•••
KOS VI R D I E SI E L
DS. WILLIE BOTHA
VOL MOED EN GEESDRIF...
’N VERHOUDING, NIE ‘N RESEP NIE
BEKENDE SAKEMAN
EN LEIER, BRAND
PRETORIUS, SKRYF
IN DISKOERS OOR
SELFLEIERSKAP.
VOLGENS HOM
VEREIS DIT: “MORELE
INTELLIGENSIE EN
BEHEER OOR ‘N MENS
SE EIE EMOSIES, DIE
ONDERDRUKKING VAN
EGO EN ‘N VERBINTENIS
TOT NEDERIGHEID.”
M
orele intelligensie
sou gedefinieer
kon word as die sedelike en
geestelike krag wat mense
vol moed en geesdrif laat
bly. Dit is hoe intelligent
jy is oor wat goed en reg is.
Dikwels word ander kriteria
soos numeriese, tegniese en
wiskundige begaafdheid as
kriteria vir beroepsgeskiktheid
oorweeg. Vir leierskap is morele
intelligensie egter ‘n vereiste,
want morele intelligensie
sien ‘n groter prentjie raak.
Dit gaan oor die waardes en
beginsels waarvoor jy staan,
die manier waardeur jy met
integriteit aan die samelewing
help bou. Waar baie vorme van
60
intelligensie op die individu
fokus, is morele intelligensie in
‘n sekere sin dus ‘n kollektiewe
eienskap. Dit raak die mense
wat vir jou werk, jou dorp,
skool en omgewing. Leierskap
gaan ook oor invloed en
wanneer morele intelligensie
deel van ‘n leier se vaardighede
is, word daar des te meer aan
die samelewing gebou.
In Galasiërs 5:19-26 skryf
Paulus oor die sondige natuur
en die Gees. Die twee staan
teenoor mekaar. Die mens
neig egter nie na die goeie
nie, maar vind dikwels ‘n
groter aantrekkingskrag in
die slegte. Liefde, vreugde,
vrede, geduld, vriendelikheid,
goedhartigheid, getrouheid,
nederigheid en selfbeheersing
is houdings en emosies wat ‘n
groot verskil in die lewe van
‘n mens kan maak. Dit is die
Bybelse weergawe van morele
intelligensie. Waar ‘n individu
hierdie waardes koester, lewer
hy of sy ‘n wesenlike bydrae
tot die morele integriteit van
‘n gemeenskap. Die dryfkrag
agter die waardes is die Heilige
Gees. Dit word deel van ons
Desember 2015/Januarie 2016 • SENWES Scenario
karakter en persoonlikheid
wanneer ons sensitief is oor
wat vir God belangrik is, en
na Sy Gees luister. Dit is ook
dinamies. In die toepassing
van hierdie vrug van die Gees
is dit nie ‘n stel eng reëls nie,
maar ‘n lewende verhouding
waarin ons staan. Die resultaat
van die Gees is volhoubaarheid.
Dit skep ‘n omgewing waar
mense vir mekaar kan lief
wees en mekaar kan vertrou.
Die verlossingsgebeure
wat Jesus vir ons bewerk is
die mees ekstreme vorm van
morele integriteit. Onder die
moeilikste omstandighede
denkbaar doen Hy vir ons
die regte ding. Terwyl ons
straf verdien, word Hy vir
ons gestraf. Hy verduur pyn
en marteling, sodat ons dit
gespaar kan word. Hy sterf en
oorwin die dood sodat ons die
ou mens kan afsterf en tot ‘n
nuwe lewe kan opstaan. Hy
is die rede waarom ons vol
moed en geesdrif kan bly. Deur
Sy morele integriteit bou Hy
deur jou en my aan hierdie
wêreld soos niemand en niks
anders dit kan doen nie.