San Lameer Newsflash/Nuusflits Oct/Nov 2017 | Page 12

CROWN EAGLES CONTINUE / KROONARENDE VERVOLG
diep en gevolglik kan 'n mens nie daarin sien nie, maar verskeie gedragsaspekte
van die arende, is oorredend. Eerstens, lewer die mannetjie meer gereeld kos as
wat hy geneig is om te doen as die wyfie op eiers sit. Tweedens, sit die wyfie
baie hoër in die nes. Wanneer sy broei, sit sy baie laag en plat. Derdens, het sy
die afgelope twee weke gereeld met haar bek in die gebied onder haar bors
gevroetel. Dit sê vir ons dat 'n nuwe kuiken warm gehou word en haar aandag
geniet. Laastens, wanneer die kos (hoofsaaklik dassies en apies op die oomblik)
deur die pligsgetroue mannetjie afgelewer word, sny sy klein stukkies vleis af
met haar bek, wat dan in die dieptes van die nes na die kuiken, verdwyn.
Die merkwaardigste aspek hiervan is iets wat op 8 September gebeur het. Die
jong kroonarend wat verlede jaar uitgebroei het, het dit baie moeilik gevind om
haarself van die nes te skei en die gebied te verlaat. Dit was waarskynlik omdat
daar vir sommige vreemde redes vanjaar baie min dassies en apies op die
landgoed beskikbaar was. Oudergewoonte, behoort sy die gebied in Julie te
verlaat het. Maar sy het gebly en gereeld vir kos gekerm totdat die mannetjie
maar ingegee het en 'n stukkie karkas op een van die bome op die 17de
skoonveld geplaas het. Maar op 8 September was die jong kroonarend
desperaat. Die volwasse wyfie het reeds al vir 20 dae lank op haar eier(s)
gebroei. Om 10:20 het die jong kroonarend na die nes gevlieg (baie ongewoon),
haar ma uitgejaag toe die besig was om van die karkas van 'n aap te eet, wat
vroeër die oggend deur die mannetjie aan haar afgelewer was. Aanvanklik het
die wyfie rond gevlieg en toe verdwyn om die mannetjie te gaan roep. Die twee
het om 13:00 na die nes teruggekeer waar die mannetjie toe die jong
kroonarend aanval en wegjaag. Teen 13:20 het die wyfie eers weer op die eiers
gaan sit om verder te broei. Dit het beteken dat die eiers drie ure lank ontbloot
is in temperature wat geensins warm was nie. In die omstandighede is dit
merkwaardig dat ons nou 'n kuiken het en dit sal interessant wees om te sien of
die onderbreekte broeifase enige sigbare tekens van gebrekke gaan laat.
Toe ek hierdie artikel 'n week gelede geskryf het, was alles pluis. My bedekte
waarskuwing van moontlike "gebrek" moes 'n element van “de ja vú” gehad
het.
Ongelukkig het die kuiken nie oorleef nie. Die gedragspatrone van die
volwasse mannetjie en wyfie het skielik dramaties op 24 Oktober 2017
verander, en het my oortuig dat hulle nie meer 'n kuiken voer nie.
Professionele robotvliegtuig-vlieënier en fotograaf Marc Frans, van Marina
Beach het die nes vir my uit die lug afgeneem en my ergste vrese is bevestig.
Die nes was leeg, met net een eier wat klaarblyklik onvrugbaar was. Foto's
wat deur die inwoner, Mark McNulty, op 24 Oktober 2017 geneem is, dui aan
dat die volwasse wyfie die dag dalk besig was om van die kuiken se karkas
ontslae te raak.
Die presiese oorsaak van sy ondergang is spekulasie. Die reën en tornado-
sterk winde twee dae nadat die kuiken uitgebroei het, kan tot respiratoriese
infeksie gelei het, terwyl vyf aaneenlopende dae van reën sonder dat kos aan
die nes gelewer is, tot wanvoeding kon gelei het. Dit is dus met 'n swaar hart
dat ons die verlies bevestig en moet wag vir die wedergeboorte in Junie 2018.
Hopelik sal die nes nie deur die Egiptiese Ganse wat probeer het vir
plakkersregte, oorgeneem word gedurende die regstelling van die
uitbroeiperiode hierdie jaar nie.
Die mees onverwagte ding het gebeur! Vanoggend, Maandag 30 Oktober, was
albei volwassenes by die nes. Dit was 'n pragtige oggend en albei arende was
besig om hul broeines op te knap. Nie met klein nesvoerings van blare, soos jy
sou dink nie. Dit was groot takke wat hulle vir die herbou van die nes gebruik,
wat hulle ingevoer het. Dit is iets wat ons nooit ter vore in die broeisiklus
gesien het nie, en laat 'n mens wonder of hulle binnekort nog 'n kuiken sal
probeer produseer. Ons hou ons asem op en wag in spanning!
Opvolg inligting:
The male has been summoned and attacks the juvenile, evicting it with
little regard for the laws on parental abuse.
Photos by / Foto’s deur
Jacques Sellschop
The adult male and female survey the possible damage to the eggs that
have been uncovered for three hours.