U NIVERSITY of the P HILIPPINES
OFFICE OF THE PRESIDENT
Malugod kong binabati ang Opisina ng Bise-Tsanselor para sa matagumpay
nitong pag-oorganisa ng SALIKSIKHAY: Pagdiriwang ng Dangal at Kahusayan
sa Saliksik, Malikhaing Gawa, at Ekstensiyon!
Ako ay lubos na nagagalak dahil ang kumperensiyang ito ay nagbibigay-halaga sa
mga gawain ng ating mga kasamahan sa pamantasan. Mga gawaing marapat
lamang na ipagmalaki sapagkat ang mga ito ay bunga ng talino, pagkamalikhain,
pagsisikap, at pagnanais na makapaglingkod sa ating kapwa.
Ang UP ay sagana sa saliksik, malikhaing gawa, at mga gawaing ekstensiyon. Ang
mga iyan ang nagbibigay buhay sa atin bilang isang pamantasan. Ang pagtuklas ng
mga bagong kaalaman at pamamaraan, ang paglikha ng sining, at ang bukas na pag
-alay ng serbisyo—ang mga ito ang nasa kaibuturan ng UP.
Pangkaraniwan mang maituturing ang mga iyan sa atin, hindi ibig sabihing hindi
na natin ipagbubunyi ang ating mga nakamtan. Para sa UP, ang SALIKSIKHAY
ay pagkilala, pasasalamat, at pagmamalaki sa mga naiambag ng ating mga guro,
mananaliksik, mag-aaral, at kawani sa paglago ng kani-kanilang mga larangan at sa
kanilang paglilingkod sa bayan.
Sa pamamagitan ng kumperensiyang ito ay inaasahang mahihikayat pa ang mas
maraming tao at institusyon na maging katuwang natin sa ating mga gawain. Ang
pakikipagtulungan ng iba’t-ibang yunit ng UP sa isa’t-isa, sa mga ahensiya ng
pamahalaan, at sa mga kaugnay na organisasyong pribado ay tutulong sa
pagpapalakas at higit na pagyabong ng pananaliksik, paglikha, at pagbibigay
serbisyo sa ating bansa.
Sa ating mga tampok na guro, mananaliksik, mag-aaral, at kawani sa
SALIKSIKHAY, salamat sa karangalang ibinibigay ninyo sa Unibersidad ng
Pilipinas. Tunay kayong karapat-dapat na ipagmalaki ng UP.
Mabuhay kayong lahat!
DANILO L. CONCEPCION
Pangulo
UP Diliman SALIKSIKHAY | 1