Gryswater
Onder invloed van die tuin-bure het ons
ook begin om ons wasmasjien se water te
gebruik vir die tuin. Ons het die wasbak
in die waskamer se uitlaatpyp met ‘n
buigbare pyp vervang. Ons het ook ‘n
90 lt plastiese bad gekoop en langs die
wasmasien bo-op die drein staangemaak
met die buigbare pyp se uitlaat in die
plastiese bad. Mens kan net nie wag om
gedurende die wasmasjien se siklus enige
iets anders buitekant die waskamer te doen
nie, want dan loop die bad oor. Moet veral
nie die telefoon beantwoord nie!
Aanvanklik het ons die bure se emmers
geleen, wat impliseer dat ons nie op
dieselfde dag kan wasgoed was nie.
Gelukkig kon ons nog leë verfemmers in
die hande kry, deeglik skoonmaak en nou
kan ons twee groot bondels wasgoed se
water in emmers stoor om byna die helfte
van die beddings nat te gooi. Een groot
bondel wasgoed gee ongeveer 196 lt water
(14kg LG Turbo Drum Fuzzy Logic WFT1391TP). Twee groot bondels wasgoed
gee dus byna 400 lt water. Ek het die 12 lt
vlak in al die emmers afgemerk sodat die
skep uit die plastiese bad in die emmers
sonder raai, baie vinniger kan gaan.
Twee bondels wasgoed gee byna 400 liter gryswater
Intussen het ons die bad in die
hoofslaapkamer se badkamer laat vervang
met ‘n stort. Die bad is by die buite-kraan
staangemaak, tuinslang se punt in die bad.
As ons die kraan net genoeg oopdraai dat
ons elke keer die 20 lt verfemmer tot op
die 12 lt merk (die maksimum wat ons op
onderskeidelik 62 jaar en 69 jaar, gerieflik
kan dra) sonder wag kan vol skep, gaan
dit baie vinnig om die 53 m2 beddings en
meer as 20 vetplante in potte binne 90
minute te deurdrenk met 75 x 12 lt = 900
lt water.
Leë emmers en opelug bad
• Dit is 20 x 12 lt vir 18.25 m2 kruie;
• 10 x 12 lt vir 5.32 m2 blomme;
• 18 x 12 lt vir 16.67 m2 aalwyne,
plakkies en zinnias;
• 6 x 12 lt vir 6m2 skaduplante en die
enigste boom op die erf;
• en 12 x 12 lt vir 7m2 malvas en
tamaties.
Sykous vol sand herlei reënwater na bedding
Aanvanklik was dit genoeg om die tuin drie
maal per week nat te maak. Met hierdie
uitermate hoë temperature wat ons vroeg
Januarie beleef het, moet die tamaties,
pampoene, kruie en zinnias egter daagliks
natgemaak word. Ons 90-jarige buurvrou
het haar selfs eendag oor die tamaties
ontferm en hulle kom natgooi terwyl ons by
die werk was.
Die tamatie-fynproewertjie is ons kleindogter, Thea
Naudé
Ons maak deesdae die emmers ook net tot
op so 10 liter vol, tuin natmaak voel dan
nie meer soos ‘n berg nie. (Fisioterapeute
sê hulle het skielik baie meer werk as
gevolg van mense wat te swaar emmers
water dra.)
My man, Pieter is nou mooi “georiënteer”
om die aantal emmers met net 10lt water
volgens die getal op my bordjies by elke
bedding neer te sit. Hy dra dit nou vir
my van die waskamer af of skep dit by
die tuinbad tot so 2lt onderkant die 12lt
merk. Ek gooi dan self al die plante nat.
So kry ons albei matige oefening. Boonop
is hierdie gesamentlike projek goed vir die
huwelik (“hie-wil-ek”).
Mike-hulle se kompakte en beskutte tuintjie floreer
met gryswater
40 grade Celsius
Emmers volgens getal op bordjie
Let op hoe groen die gras om die
sementblad is danksy die bietjie afloopvog. ‘n Vindingryke tuinier kan sulke
gedeeltes sinvol gebruik om geharde
grondbedekker-kruie of groente soos
Pennywort te plant.
Ons maak glad nie die grasperk nat nie,
maar die straling (terugkaatsing) van
die verdroogde grasperk, brand selfs die
kappertjies se blare aan die voorkant
van die kruie-bedding. Die hardgebakte
sypaadjie en die plaveisel verhoog ook die
waterbehoefte van al die plante. Ons het
bereken dat ons elke keer die skokkende
ekwivalent van ongeveer 19mm reën water
gee, maar dit hou die plante net 36 uur
in stand, terwyl 19mm reën oor die hele
oppervlakte die plante veel langer sal hou
omdat dit die hele omgewing en ook die
atmosfeer, bevogtig.
Buurvrou Jeanette Viviers gebruik ‘n sykous
vol sand om die water van die harde
oppervlakte na haar varkoor-bedding te
lei. Mike het die deurloop-pyp tussen die
trap en die trapreling ingebou.
Verdroogde grasperk se straling skroei kruie
18
SABI | FEBRUARY/MARCH 2016