Одбележан Маршот на црвените чадори на 17-ти декември - Меѓународниот ден за СТОП на насилството врз сексуалните работници
На 17-ти декември , во центарот на Скопје , по деветти пат беше одбележан Меѓународниот ден за СТОП на насилството врз сексуалните работници . Беше одржан Марш на црвените чадори со цел да се потенцира загрижувачката состојба во која сексуалните работници живеат и работат . Преку овој настан сексуалните работници , поддржувачи и активисти се приклучија кон солидарноста на оваа маргинализирана група граѓани , барајќи подобри услови за работа и свет без насилство .
На овој ден се собравме да ја обновиме нашата посветеност и борба за подобра иднина , за поголема видливост и добивање на загарантираните човекови права .
Со слоганот „ СЛОБОДНИОТ ИЗБОР Е ПРАВО , А НЕ ПРИВИЛЕГИЈА “ сакаме да пренесеме порака која ќе допре до јавноста за се повеќе присутното насилство и дискриминацијата врз сексуалните работници ширум светот . Наша единствена цел е да се запре насилството и тортурата кои секојдневно ја трпат сексуалните работници од општата популација , клиентите и институциите .
Ви пренесуваме дел од атмосферата преку фотографии .
2