Curso 2013-2014
Revista Mira
Excursións e saídas
Cinco anos visita a
Granxa Barreiros
O pasado día 20 de marzo, os nenos e nenas de 5 anos emprenderon unha viaxe cargados de
ilusión cara á Granxa Barreiros, situada preto de Sarria. Os nervios eran moi grandes, xa que
para a meirande parte deles ía ser a súa primeira noite fóra da casa.
A súa chegada á granxa, apresuráronse a visitar aos animais e ningún quixo descoidar as tarefas
propias duns expertos granxeiros. Tamén houbo tempo para o lecer, con obradoiros nos que
aprenderon moito sobre a lá de ovella, a elaboración de pan e como chegar a ser especialistas
horticultores .
Compartiron sorrisos, carreiras, cancións, xogos e algún que outro baile nocturno na súa primeira noite granxeira, na que descubriron o divertido que é convivir no mesmo cuarto ca os seus
compañeiros.
Á volta o esgotamento era notable pero as gañas de contarlles ás súas familias todo o vivido eran
aínda máis grandes.