Revista n º 21 Junio 2018
EL RÍU L ’ agua del ríu llevantábase pol vientu que soplaba y los neños xugaben col veleru . De sópitu too quedó escuro y entamó a salir la lluna cañicándose nel ríu onde toles nueches dormía una serena . Los rapacinos descubriéronla y armaron tal alborotu que la serena asustada escapa y desapaez . ( Samanta Freire 2 º)
LES ESTACIONES Yera un neñu que-y prestaben les estaciones . Si yera iviernu xugaba cola ñeve , tamién saltaba nos fontanes que dexaba la lluvia ; si yera primavera xugaba coles flores ; nel branu diba a la playa y facía castiellos cola arena y na seronda prestaba-y xugar coles fueyes que cayíen de los árboles . Xuan yera mui xuguetón y xugaba colos amigos al pilla-pilla , al escondite ... etc . Un día xugando nel parque la so amiga Laura alloñóse muncho pa escondese y estalló una tormenta . Pa resguardase de la lluvia metióse nuna cueva escura y al oyer voces adientróse pa ver quien falaba : yeren unes vieyes baillando y faciendo espavientos alredor d ' un fueu . Laura , al veles , asustóse y salió corriendo a dicí-yoslo . Pero Xuan y los otros collacios taben cansaos de buscala per tolos llaos y a más ya atapecía , asina que nun-y ficieron munchu casu y colaron pa casa un poco preocupaos . ( Norma Martínez 4 º)
LA ÑEVE Tras una nueche de lluna llena taba yo bien acurrucáu na cama pensando nel viaxe , cuando vieno mio ma a despertame y díxome : -Arriba, Gabriel , que tienes que preparate pa dir a Payares , nun quedrás llegar tarde , ¿ eh ? Yo llevánteme d ’ un saltu pues taba un pocu nerviosu , prestábame muncho eso de dir colos collacios a esquiar . Una vez nel autobús eché un pigazu y cuando abrí los güeyos ya tábemos llegando . El paisaxe yera perguapu , taba too blanco . Tábemos toos emocionaos y con ganes d ' entamar l ’ aventura . -¡ brr , que frío ! - yera la primera vez qu ' esquiaba . Aquel día tuvimos una tormenta y nun se via nada , pasamos un pocu de mieu pero los monitores empobináronmos hasta l ' albergue y una vegada allí aselamos . Los díes pasaron mui rápido , reímonos muncho , caí un montón de veces y aprendí a esquiar . ¡ Fue una esperiencia inolvidable ! ( Gabriel Da Costa 4 º)
LA MASCOTA
Yera un día como otru y los mios amigos espertáronme con un berru que venía de la cocina : ¡¡ una cucaracha metiérase na despensa !! Nel campamentu facíente bromes tolos díes , asina qu ’ hasta que nun lo vi nun lo creyí . Namás entrar na cocina esclamé “¡ Dios mío !” Había una cucaracha del tamañu del mio pie ( calzo un 38 ). Yera enorme , hasta los monitores axustáronse , intentamos desfacenos d ’ ella con tolo posible : insecticides , matamosquitos , pisándola … pero nada , ¡ yera imposible ! Pasó un ratu y alcontré una neña qu ’ había perdio a la so mascota , dixo que yera del tamañu del mio pie y que yera marrón , de sópitu paróseme ‘ l corazón ¡ la cucaracha na despensa yera d ’ esa neña !; rápidamente díxi-ylo y salió corriendo hacia la cocina . Aún sabiendo de quien yera la cucaracha dábanos mieu , pero tol mundu taba más tranquilu . Yera una mascota un poco estraña pero a ella paecía-y la meyor mascota del mundu . ( Estela Uña 6 º)
EL CUERVU AITOR
Yera una vez un cuervu nomáu Aitor . Taba cazando bichinos , pero habíen pasáu tres hores y Aitor habíase perdíu . El nun sabía onde taba , echóse nel suelu en mediu la tormenta y entamó a dormir . Cuando espertó ya nun había tormenta al pie del ríu . El nun s ’ alcordaba de na hasta qu ' oyó un alborotu , yeren unos cazadores que casi lu maten , pero Aitor escapó del barullu . Anduvo esnalando pela zona hasta qu ' escuchó una voz : ¡ yera Manolín !, el so dueñu buscándolu ; llevólu pa casa y toos fueron felices . ( David Sordo 6 º)
MANIFIESTU POLA LLINGUA MATERNA
El 21 de febreru festexamos el Día de la Llingua Materna . Festexamos que nesta tierra tenemos una llingua nuesa , vuesa , de toes y de toos . Y por eso queremos falar nesti día de la Llingua Asturiana , una llingua que queremos y defendemos .
Un Mensaxe Especial Un Mensaxe Especial
Cuando espertó yá nun había tormenta al pie del ríu . Allumaba la lluna con tola fuercia , nunca la viera tan allegada y tan rellumante . La lluna diome un mensaxe d ’ un tornáu que venía al pueblu , d ’ ellí salí a informar lo que veníase y cuando toos nos xuntamos , la lluna díxonos qu ’ había un llugar mui especial , llamáu Gochulandia . Al cabu unos díes fuimos ellí onde vivíen unos paisaninos que llevaben tiempu sin visita y recibiéronnos con gustu y diéronmos aloxamiéntu . Unos díes más tarde , llegó ’ l tornáu , arrasó con too pero cola ayuda de los vieyinos , recoyimos lo que quedó . ( Javier Menéndez 6 º)
Escolinos de Llingua de 6 º lleendo ' l manifiestu pola Llingua Asturiana
23