Visitas culturales y excursiones
CAMPO LAMEIRO 3º ESO
É certo que os nosos compañeiros/as de 4º da ESO nos falaran moi ben desta
saída. Disque a “xincana” organizada polo profesor de Educación física era unha
actividade diferente e divertida. Pero o caso é que nós, xa estábamos medio aburridos da excursión, antes de facela. Que si un traballo para galego, outro para
matemáticas, outro para música e aínda outro máis para xeografía. Podes imaxinalo? A ilusión dunha saída diver tida diluíase pouco a pouco a pesares de que as actividades que se nos plantexaban estaban moi ben.
Por fin chegou o día de visitar o Centro Arqueolóxico da Arte Rupestre de
Campo Lameiro e como non podía ser doutro xeito, a choiva ameazaba con ser a
nosa compañeira. Así que non nos quedou máis remedio que equiparnos con chuvasqueiros, dobre par de zapatillas (por se nos mollabamos), gorras e demáis (por se
ao final saía o sol) e como non, cos manxares que levábamos preparados para o
xantar. Ao chegar alí, dividímonos en dous grupos. Mentres uns facían a carreira
de orientación e buscaban pistas que lles permitisen chegar á meta coa axuda do
compás, outros, visitamos o Centro (onde descubrimos curiosidades sobre a arte
rupestre) e fixemos un taller de lume. Que complicado prender lume con dúas
pedras ou dous paos! Pero ao final, algúns dos nosos compañeiros, lógrarono. Sodes xa uns verdadeiros supervivintes!
A media mañá tocounos cambiar, e os que fixeran a carreira pasaron agora
á visita do Centro e ao taller de lume mentras que, os outros, se prepararon para pelexarse coa choiva, o compás e as pistas.
Despois dunha mañá moi activa, chegou a hora do xantar. Tivemos que facelo na cafetaría porque a chuvia non nos daba tregua e era imposible facelo na natureza. Por este mesmo motivo, non puidemos facer os xogos que
tiñamos planexados para despois de comer. A pesares de que o tempo non
nos acompañou desfrutamos moito da saída e vimos a utilidade de todo
aquelo que aprenderamos na clase. Preparadevos os que vos toca o curso
que vén!