Zoo siab txais tos! Txawm tias yog koj tus me nyuam kawm qib
kindergarten thiab xav paub seb yuav muaj dab tsi tom ntej no, los sis
tias yog koj tus me nyuam kawm qib kaum ob uas sam sim yuav
kawm tiav los, peb xav kom koj tsev neeg ntsib yam uas zoo heev.
Phau ntawv qhia no, nrog rau koj lub tsev kawm ntawv phau ntawv
qhia, yog cov twj taw kev los pab koj thawm xyoo. Muaj ntau cov lus
qhia nyob rau hauv phau ntawv qhia no. Koj yuav nrhiav tau cov lus
qhia tseem ceeb nyob rau thawj seem, uas tham txog cov cag hauv paus
ntawm peb cov tsev kawm ntawv nrog rau cov kev ua si, cov ntawv nqa
mus ua tom tsev thiab ntau yam ntxiv. Seem ob tham txog cov cai
tseem ceeb rau Anoka-Hennepin Cheeb Tsam Tsev Kawm Ntawv, uas
tau kev pom zoo los ntawm Pawg Tswj Xyuas Tsev Kawm Ntawv
(School Board). Peb xav kom koj tau cov lus qhia no kom koj thiaj li
paub seb peb daws cov teeb meem txog kev coj xeeb ceem thiab kev
qhuab qhia kom xwm yeem thiab ncaj ncees li cas. Koj lub tsev kawm
ntawv tej zaum lawv yuav muaj ib co kev taw qhia ntxiv, li no thov
saib lawv phau ntawv qhia thiab.
Tej zaum koj lub tsev kawm ntawv kom koj yuav tsum tau saib qee
seem hauv phau ntawv qhia no nrog koj tus me nyuam thiab kos npe
rau ib daim ntawv teev qee yam (checklist). Yog yuav kom ua li no,
koj tus me nyuam yuav tsum tau xa daim ntawv teev qee yam ntawd
rov qab mus rau tus neeg uas koj lub tsev kawm ntawv kom nqa
mus rau.
Yog tias koj muaj lus nug txog dab tsi hauv no, thov nug tau koj lub
tsev kawm ntawv, thiab yuav muab koj xa mus rau tus neeg uas paub
txog qhov ntawd.
2
Hmong
2018-19 Tsev Kawm Ntawv Phau Ntawv Handbook