FicWallmapu 2017
Gen wirin: Elizabeth Núñez
Rulpanzugu: Sergio Marinao
Tati Külagechi FICwallmapu llitualu 17 chi
antü ka wechualu 21 chi antü konchi Octu-
füre küyen mew Temuko waria mew. Pegel-
geay zoy 48 pelikula, serie ka zokumental,
reantülechi pegeay tachi zugu epu wellin
mew chew ñi pegelgeal. Tüfachi zugu fan-
tentugey konlülelu kam pu zomo zewmake-
lu pelikula, amelkantulu ka fey. Ka mülealu
kiñeke gütxamtun azümafiel ta che “mapu-
che kimün” zugu, ka chumgechi ñi pünel-
geken pelikula ka fillke kimelzugupeyüm ñi
witxañpüramgeal che ñi az-zugu.
Ñi gütxamkayawael fillke mapun txokiñche
mülelu alükamapu mew, ka ñi kimgeal fillke
küzaw kishu nentunielu feyegün, fey mew ta
chi txawün mew pegelgeay femgechi zugu
zoy 20 mapun txokiñche gelu, kiñeke txokiñ
konkülelu fey: pu Afrodecendienteche, pu
Atikawekw che, pu Aymara che, pu Guarani
che, pu Mapuche, pu Nahua che, pu Mojeño
che, pu Rapa Nui che, ka pu Maya Kaqchikel
che, pu Maya Q’eqchi che.
Ta ti epu wellin chew ñi pegelgeal ta chi
zugu, fey ñi konkülemeal che: Auditorio
Facultad de Medicina UFRO – Claro solar #115
y Auditorio Instituto Profesional AIEP – Av.
Alemana #035.
Ficwallmapu Santiaw waria mew
Ka femgechi llituay 12 chi antü ka wechualu 16
chi antü konchi Octufüre küyen mew Cineteka
Nacional Chile mew fey ti ñi centro cultural La
Moneda Santiago pigechi waria mew, pegel-
geal fillke cine küzaw. Müleay mari epu pelikula
mapun txokiñche gelu. Fülkonpayafuymün mün
kimafiel fillke txokiñche ñi kimün: pu Xavante
che ,pu Emberá che, pu Mapuche, pu Aymara
che, pu Quechua che, pu Raramuri che, pu Huni
Kuin che, pu Lenca che, pu Tehuelche che. Tüfa-
chi txawün llituay ti 19:00 hrs, ineyrume küpa
amulu fey kullilay ñi konpayal.
Rupayalu ti llitun wüla, müleay ta kiñe
nütxamtun “Defensa del Territorio y medioam-
biente” pigechi ti zugu, fey mew gütxamtumeay
ti epu igkachefe Luzio ka Ely Jimenez Kortez,
zewmalu ti dokumental.
Tamün zoy kimal chumgechi konküleal tüfachi
fütxa txawün mew fey pepi pefimün www.fi-
cwallmapu.cl