Hey Arnold!
Gen wirin: Elizabeth Núñez Sanhueza
Rulpazugun: Alberto Huenchumilla Marilao
Pamela Ñancupil Martín, Lof Pukulfen.
‘’Küme feleaiñ taiñ pu
ruka kulliñ iñchiñ’’
Gen wirin: Pamela Ñancupil Martín
Rulpazugun: Alberto Huenchumilla
Marilao
Mari mari pu lamgen, iñche
Pamela Ñancupil Martín pigen,
lof Pukulfen ta mülen, feyta
inkañpenefiñ taiñ pu kulliñ ka
lamgenyenefiyiñ tati. Iñchiñ
ta pu mapuche kimnieyiñ tañi
yamgeken ka zuamgeken ta
kulliñ ka txür müleiñ iñchiñ
pu kake mogen iñchiñ tüfachi
mapu mew, welu ta ka müley ti
pu che feyta epepüchiken kulliñ
ta gülümal ta ayi, ka fey me ta
kutxanelkanietufi, genon mew
chemu ñi femekeal.
Feytichi pu txewa rumenka
gülümyegelu feyta kom pu che
ta ayitulay ñi nieal txewa, fey-
mew alüken txewa mew getualy
chuchi ti rukalelaetew, feymew
feyta amuentukunuyegetuy ti
kuñifallke txewa waria mew -
ka lelfün mew kiñeke, ka fey ti Canil Te-
muko feyta karsel txüri feymu ta küme
zapigelay ti txewa, ka fey ta ka kimniegey ñi
femgechi mew ñi afnual tüfachi zugu.
Fey mew tati pu txokiñkeche inkañpe-
kelu kulliñ mülelu faw Temuko ka Padre
las Casas yeiñ kiñe zugu feyti Municipalida
mew “Kiñe ruka mew ñi küme zapiniegeal
ta rukake kulliñ” feytachi zugu ayiniey ñi
rumenka gülümkageal ti kulliñ, ka re txewa
müten nu, ka tukuyegealu ta narki, chew ñi
esterilizageyeam ka ñi günezuamyeal kom
ti pu che mülelu tüfachi waria mew, ka pu
fillke txokiñkeche müleyelu.
Ayilimi tami konal ka kelluntukual tüfa-
chi zugu mew feyta wirintukuaimi tüfachi
werkülwe mew [email protected].
Küpalechi 24 nofiempüre küyen pegel-
geay ti zuamnegelchi ka kagelu pelikula Hey
Arnold!. Ti wüne zew pegelgelu newechumül
6 konchi oktufüre küyen püchiken kimgey
fey mew ñi chew ñi mülemum ti amulnelu
zugu ñi chaw, feyegu ñi müte kimgekenol
feytachi mogel wishikaw serie mew.
Jim Lang ñi txüpün mew ka Hillwiood ñi
kake rume az mew, tati director feypieiñmew
ñi pekayafelchemay ti ailla txipantu niekelu
ta Arnold ka ñi pu kompañ ka ñi pu karuka-
tu fey may ta zoy alüweyetulu feyta fentepun
elueiñmew ta jazz ül, fantepu mew kütu.
Tüfachi pelicula, feyta wechulentupay
ka wülkunutuy ti zugu ñi küme kimgeam ñi
chew mülen Arnold ñi chaw ka ñi ñuke, ka
feyti Helga ñi ayin ñi rüf txawüal egu kam ñi
txawünual ti folalogko püchikona egu.
Ruka and Roll
Küpalechi mari küla ka mari meli antü oktu-
füre küyen mew ka 19:00 hrs mew, tati Cen-
tro Cultural Padre las Casas mew, zewmayay
ti Melichi Festival ti kizu zewmakelu musika
“Ruka&Roll” kelluleeyew Consejo Nacional de
la Cultura y las Artes egu.
Wünechi txokiñ txipayalu “Kuervos del
Sur” pigechi femgechi llituay fey ti txawün.
Txawümeay fillke txokiñche wallmapu mülelu,
Invernadero ka Cuervo oficial Coyote ka Tie-
rra Oscura, ka zoy txokiñche ülkantukelu.
Tati Mageluwün gütxümkülegey taiñ
txawümeal ti Centro Cultural Padre las Ca-
sas mew mülelu waria rüpu Makewe pigechi
#1441.