Presentación
Dende 1995, la Federación d’ Asociaciones de SOS Racismu del estáu español vien analizando la situación del racismu y la xenofobia n’ España y n’ Europa, amosando les diferentes tipoloxíes y espacios onde se manifiesta: polítiques d’ extranxería y asilu, espoxigue de la ultradrecha, discriminación nel trabayu, accesu a la vivienda, a la educación, abusos de cuerpos policiales o agresiones racistes. Estes y otres cuestiones analícense na vixesimoprimera edición del Informe Anual.
Si fora preciso resumir nuna palabra lo qu’ asocedió nel 2015, esta ye, ensin duda, « refuxu ». Anque pueda paecer que yá ta too dicho en rellación a la desastrosa xestión de les persones refuxaes per parte de la Unión Europea, nesti Informe ufiertamos una reflexón novedosa d’ esti tema dende’ l análisis de les portaes de dos medios de comunicación. Amás, esta crisis humanitaria tien un tratamientu específicu en temes yá bien avezaos nesti Informe, como ye’ l casu de menores non acompañaos, estrema drecha o muyeres.
Magar l’ inevitable protagonismu que tien el tema del refuxu, esti Informe centra l’ atención na discriminación a través de los casos que lleguen a les nuestres Oficines d’ Información y Denuncia, OID, y l’ análisis d’ estadístiques oficiales y sentencies.
Lo que podemos indicar a esti respectu ye que la discriminación nes sos múltiples manifestaciones sigue siendo un fenómenu tapecíu que tien que s’ asoleyar per aciu de la denuncia y d’ aiciones de sensibilización dende les instituciones. El Ministeriu del Interior paez tar asitiáu nun estáu d’ autocomplacencia cola publicación de los informes anuales sobre delitos d’ odiu. La información, cada vez más completa, d’ atestaos policiales instruyíos sobre delitos d’ odiu nun había llevanos a pensar que l’ estáu español fora cabezaleru de la Unión Europea nel tratamientu estadísticu de la discriminación. Nesti Informe Anual analizamos con procuru estos datos y contrastámoslos colos casos de les nuestres OID reflexonando sobre la necesidá de facer un seguimientu a los atestaos policiales pa conocer el resultáu xudicial, ampliando el conceutu de discriminación más p’ allá del delitu d’ odiu y intentando ufiertar una interpretación más abierta d’ esti tipu de delitu.
Nel momentu de piesllar estes llinies, n’ Europa y n’ otres partes del mundu, decatámonos con esmolecimientu y rabia de les consecuencies d’ atentaos terroristes de la mano de grupos yihadistes radicales. Ye sabío que la islamofobia ye una de les primeres consecuencies de esti terrorismu yihadista. Pero tamién se ye a ver una tendencia qu’ apruz nel pasáu añu 2015, y que se fai más patente esti
9