Pa Fokus është një revistë mujore falas e cila ka në
qendër të rinjtë duke u dhënë edhe atyre mundësinë për
t’u shprehur dhe për t‘ë promovuar artistikisht këdo që
të provojë mendësinë artistike të realitetit tonë kaotik.
Kjo revistë i jep mundësinë të rinjve të ngrejnë zërin e
tyre për problematika të së përditshmes dhe jo vetëm,
veç kësaj revista përpiqet t’i orientojë lexuesit tanë
drejt një informacioni të filtruar dhe të dobishëm për
çdokënd. Media në Shqipëri me shumë se transparencë
dhe kritikë të realitetit prodhon fshehjen dhe konservim.
Ne nuk e duam këtë, çdo njeri ka një jetë dhe ne jemi të
mendimit se askush nuk ka nevojë për asnjë tjetër më
shumë ngasa mund të ndihmohet reciprokisht. Revista
përpiqet të tregojë historitë e artistëve të rinj, shkruesit
të rinj, studiuesve të rinj përmes artikujve ose formave
të ndryshme të të shprehurit artistik (kryesisht në
kontekstin dixhital). Gjithashtu revista ka një ndërgjegje
sociale të mbartur prej krijmit. Ajo është e fokusuar tek
promovimi i informacionit i cilli është ose pak ose aspak i
aksesueshëm, shpesh për arsye të ndryshme, por kryesisht
për shkak të mungesës së këtij informacioni në gjuhën
shqipe. Pa Fokus ka lindur si një nevojë për të mbuluar
vakumin e krijuar prej mediave të mëdha të cilat në formë
të drejtpërdrejtë ose tërthortë zgjedhin (jo se nuk janë të
vetëdijshme) të mos merren me çështje të ndryshme të
të rinjve apo me nevojën e tyre për t’u shprehur. Revista
adreson këtë nevojë përmes promovimit të vlerave të
tyre artistike dhe profesionale, duke e konsideruar këtë
sipërmarrje si forma më e mirë dhe e qëndrueshme e të
ndikimit që ata mund të kenë në shoqëri në të ardhmen
dhe zhvillimin e tyre të mëtejshëm artistik dhe profesional.
Për këtë arsye Pa Fokus nga vetë pjestarët e saj shpesh
nuk adresohet si vetëm një revistë por si një komunitet.
Komuniteti i Pa Fokus përfshin gazetarë të dhënash,
artistë vizuale apo performues, dashamirës së letërsisë
dhe letrave, burimeve të lira të informacioni dhe nevojën
për të rritur këto burimi informacioni etj. Ajo e bën këtë
përmes aktiviteteve mujore dhe ruajtjen e artikujve në një
databaze unike dhe të indeksueshme.