pa zë, pa mendime, shfaqet një rini e plakur dhe e përgjumur. Për ata zogj
“rebelë” sistemi ka gjetur mënyra plot t’jua presë krahët kur tentojnë të
fluturojnë.
Mbase duke ndjekur fillin e mendimeve, u largova ca nga tema, kështuqë
po kthehem sërish tek arsimi. Shohim si manifestohen para nesh probleme
nga më të ndryshme të sistemit arsimor universitar. Shohim që nuk është
efikas. Kleçka qëndron te fakti se sistemi arsimor është ashtu siç e bëjmë
ne të jetë, në një mënyrë ose në një tjetër, me veprimet dhe mosveprimet
tona. Problemet që hasim nuk janë të formuara sakaq në universitet. Ato
janë si gjethet e prishura të një peme. Aty te gjethet ne kuptojmë që pema
është sëmurë sepse aty problemi shfaqet në të tilla përmasa sa nuk mund
të mos vihet re. Merremi aq shumë me gjethet sa anashkalojmë faktin
që sëmundja e ka zënë pemën që nga rrënjët, dhe është aty, në burim
të problemit që duhet kërkuar zgjidhja dhe aty duhet filluar ndreqja e
gabimeve.
Të metat e arsimit universitar fillojnë qysh në kopësht dhe në arsimin
fillor me mënyrën si edukohen dhe si “brumosen” të rinjtë. Fillojnë që nga
familjet dhe kultura me të cilën mësohemi, nga shembujt që japim pa ditur
se ndikojnë në formimin e të ardhmes, jo vetëm tonën por edhe të tjerëve
që do të vijnë më pas. Shpeshherë vërej se si fëmijëve u mungon ajo sjellja
e çiltër fëminore, u mungon respekti për të tjerët, dashuria për shokët,
edukata në të folur, por mbi të gjitha kurioziteti për të ditur më shumë
e për të lexuar. Kurioziteti mund të mungojë tek fëmijët por kurrsesi nuk
mund të mos indentifikohet tek ata që na mësojnë, e pra prap, edhe ata
janë të paaftë për të ngjallur interes dhe me zvarritje zënë qoshkun e tyre
të punës dhe rutinës. Rrallë shoh fëmijë tu kërkojnë prindërve libra në vend
të smart phonëve apo play stations.
Druhem se jemi kthyer në një shoqëri materialiste dhe imponuese. Ai fëmija
që kur ishte i vogël nuk pati dëshirë të lexonte, kur të shkojë në universitet
do të ketë akoma më pak dëshirë, e megjithatë i shtyrë nga prindërit ose
nga opinioni i shoqërisë do të fillojë të lexojë përmendësh në mënyrë që të
marrë nota të mira për t’ia treguar prindërve, të cilët do t’ia tregojnë miqve
të tyre. Më vonë në jetë do të gjendet pa nj