Vi har sett verdiarbeidet i fokus gjennom utvikling av
Fair play-programmet, etablering av Handshake for
Peace, etablert eigen etisk komité, handheva lisensreglementet tydeleg, ettergått eigne rutinar og fått på
plass ein felles nasjonal plan mot kampfisking.
Sjølv om våre nære samarbeidspartnarar har vore i eit
uroleg økonomisk landskap, har dei støtta opp om
våre verdiar og aktivitet. Dette er svært viktig for oss,
og alle er viktige. Likevel vil eg trekke fram at det er
stort at Bama etter så mange år framleis vil vere ein
stor partnar for norsk fotball. No gjennom prosjektet
EAT MOVE SLEEP. At vi trekker til oss nye partnarar
som PostNord er også svært kjekt.
Eg vil takke for det nære samarbeidet med alle våre
partnarar, våre eldsjeler, tillitsvalde og frivillige, tilsette
i klubb, krets og forbund, politikarar og andre samfunnsengasjerte som vi har hatt ein god dialog med.
No skal vi vedta ein ny handlingsplan. La den vere like
strategisk, offensiv og god som arbeidsverktøy som
den vi lukkar no. Då vil norsk fotball utvikle seg og ha
ei stor framtid også dei komande åra.
Lukke til med forbundstinget og sesongen 2016.
Yngve Hallén
President i Norges Fotballforbund
INNLEDNING
• Saman med dei tilsette bygd ein offensiv og ny
servicekultur med stort fokus på utviklingsrelaterte
oppgåver og trygg og effektiv forvaltning. Sjølv
med høgare profesjonalitet på forvaltninga har vi
løfta fram og gjeve utviklingsarbeidet større plass i
alle delar av organisasjonen.
• Endra forbundstinga til å bli meir strategiske og
utviklingsorienterte og mindre detaljorienterte. Vi
har også etablert årlege ting.
• Gjeve kretsleiarane ei tydlegare rolle ved at dei
saman er eit strategisk og koordinerande fora for
barne- og ungdomsfotballen. Detta har også betra
den politiske informasjonsflyten i organisasjonen.
• Ferdigstilt Ullevaal Stadion, med betre fasilitetar for
publikum og for våre gjester på UBC.
• Bygd opp høg kompetanse, gode tenester og god
forretningsdrift i Idrettens Helsesenter.
• Starta prosjektet Campus Norway, som skal gje
mykje betre fasilitetar og tilrettelegging for våre
sportslege utdanningar, spelarutviklinga og
landslaga våre.
• Etablert Ullevaal Media Center (UMC), som er med
å utvikle vårt TV-produkt, har gjort oss meir
fleksible i handteringa av våre medierettar,
samstundes som det vil heve kvaliteten på vårt
interne profileringsarbeid.
• Fått på plass ein ny og felles identitet gjennom
felles logo og nytt emblem.
9