Myndir mánaðarins Ágúst 2017 tbl. 283 bíóhlutihluti | Page 30

Fast
Shot
& Furious
Caller 8
Allt sem þú gerir hefur afleiðingar
Jacob Harlon er hamingjusamur fjölskyldumaður sem gengið
hefur vel í viðskiptum og á nú allt til alls. Kvöld eitt gerir hann
þau hroðalegu mistök að aka drukkinn en þeirri ökuferð lýkur
með hörðum árekstri og þeim afleiðingum að vinur hans sem
var með honum í bílnum deyr. Í framhaldinu er Jacob dæmdur
fyrir manndráp og vistaður í öryggisfangelsi þar sem hann
neyðist fljótlega til að verja líf sitt eða deyja sjálfur ella.
Shot Caller er gríðarlega áleitin, áhrifamikil og spennandi mynd sem
að grunni til fjallar um hvernig vistun í öryggisfangelsum í Banda-
ríkjunum getur breytt lífi fanga til hins verra í stað þess að bæta það.
Ekki það að Jacob verði skyndilega að vondum manni heldur neyða
aðstæður hans í fangelsinu hann til að taka afstöðu með – og þá um
leið á móti – einhverri af glæpaklíkunum sem berjast þar um völdin
því annars verður hann einfaldlega drepinn. Þetta verður ekki bara
til þess að dómurinn yfir honum lengist heldur gerir þetta honum
ókleift að hefja aftur eðlilegt líf eftir að hann sleppur loksins út ...
Shot Caller
Nikolaj Coster-Waldau leikur Jacob sem lendir strax á milli steins og
sleggju í fangelsinu og neyðist til að taka afstöðu ef hann vill lifa af.
Spennumynd
121
mín
Aðalhlutverk: Nikolaj Coster-Waldau, Jon Bernthal, Lake Bell, Holt
McCallany, Omari Hardwick, Benjamin Bratt, Jeffrey Donovan,
Michael Landes, Emory Cohen og Jessy Schram Leikstjórn: Ric
Roman Waugh Bíó: Laugarásbíó og Borgarbíó Akureyri
Frumsýnd 16. ágúst
Punktar ....................................................
Leikstjóri myndarinnar, Ric Roman Waugh, gerði hinar þrælgóðu
myndir Felon árið 2008 og Snitch árið 2013, og skrifaði einnig handrit
þeirra beggja eins og hann gerir í Shot Caller. Eins og Felon gerist
Shot Caller að stórum hluta í öryggisfangelsi og hefur Ric Roman
verið hrósað mjög fyrir hversu vel og ítarlega hann hefur kynnt sér
lífið innan veggja og rimla og hversu sannferðug sviðsetningin er.
l
Shot Caller þykir frábærlega vel leikin, ekki síst af danska leikar-
anum Nikolaj Coster-Waldau sem lagði á sig gríðarlega vinnu og
erfiði til að breyta sér úr fjölskyldumanninum Jackobi sem hafði
aldrei lent í átökum í hinn vöðvastælta „Money“, eins og viðurnefni
hans verður í fangelsinu. Kíkið á magnaða stikluna úr myndinni.
l
Shot Caller er m.a. ákaflega trúverðug lýsing á lífinu innan
veggja og rimla öryggisfangelsa í Bandaríkjunum.
Veistu svarið?
Eins og aðdáendur Game of Thrones vita hefur
Nikolaj Coster-Waldau leikið í seríunni meira og
minna frá upphafi. Hvaða persónu?
Leikstjórinn Ric Roman Waugh ásamt Lake Bell sem leikur eiginkonu
Jacobs og Nikolaj Coster-Waldau á kvikmyndhátíðinni í Los Angeles
þar sem Shot Caller var frumsýnd 17. júní við mjög góðar viðtökur.
Jaime Lannister.
30
Myndir mánaðarins