Myndir mánaðarins Nóvember 2017 tbl. 286 DVD-VOD-BR-Tölvuleikir | Page 6

Stjörnuspá mánaðarins

Vatnsberinn 20 . jan . - 18 . feb .
Tvíburarnir 21 . maí - 21 . júní
Vogin 23 . sept . - 23 . okt .
Erfiðleikar þínir varðandi samskipti
Ákvörðun þín um að fjárfesta í
Þú rambar í ógáti inn á góðgerðarsamkomu
við nágrannann fara versnandi og
bjúgverpli kemur þér í koll um
vélsleðasamtakanna og
það þýðir ekki lengur að mæta því
mánaðamótin þegar þú færð hann
vinnur þar farmiða fyrir tvo til
með hauspoka . Íhugaðu að fá þér
í bakið . Fáðu þér nýjar perur í loftljósin
Frankfurt að verðmæti hundrað
inniloftnet áður en það er of seint .
og sjáðu allt í nýju ljósi .
tuttugu og níu þúsund . Ekki fara
.
Fiskarnir 19 . feb . - 20 . mars Það er allt í lagi að láta sig dreyma en maður þarf samt að passa sig þegar maður er til dæmis úti að labba að labba ekki á ljósastaur . Haltu þig í fjarlægð frá eldavélum .
Krabbinn 22 . júní - 22 . júlí Hjólbeinótt fólk sem fætt er í krabbanum og þjáist af minnisleysi mun taka ranga beygju um miðjan mánuðinn og enda úti á Langanesi . Fjárfestu í nesti og nýjum skóm .
Sporðdrekinn 24 . okt . - 21 . nóv . Ekki láta hugann reika því það er ekki tryggt að hann komi aftur fyrr en í næsta mánuði . Gerðu eitthvað nýtt til tilbreytingar , eins og t . d . að fara og skoða strámottur og kústa .
Hrúturinn 21 . mars - 19 . apríl
Gerðu eitthvað í þínum málum því annars er hætta á því að þú verðir eins og þú ert áfram og það viltu auðvitað ekki . Þú hlærð upphátt að eldri konu sem dettur í hálkunni .
Nautið 20 . apríl - 20 . maí
Allt sem hefur ekki verið að ganga upp hjá þér undanfarna mánuði mun heldur ekki ganga upp hjá þér núna í nóvember . Sættu þig við það og brostu bara í kampinn .
Ljónið 23 . júlí - 22 . ágúst
Það er mikil rómantík í loftinu hjá þér þessa dagana sem hverfur um leið og þú þværð þér með nýja flösusjampóinu . Mundu að bursta jaxlana vinstra megin frá þér séð .
Meyjan 23 . ágúst - 22 . sept .
Nóvember verður heilladrjúgur í meira lagi hjá meyjunum í ár og því muntu brosa út að eyrum frá morgni til kvölds þangað til allt fer aftur í steik . Skelltu þér á mótmæli .
Bogmaðurinn 22 . nóv . - 21 . des .
Strandferð sem þú ferð í á næstunni á eftir að borga sig vel þegar þú hittir nokkrar nánasir og færð gefins hjá þeim nautasamlokur . Þú hleypur í spik upp úr tuttugasta .
Steingeitin 22 . des . - 19 . jan .
Þú stendur frammi fyrir erfiðum valkostum þegar þér er boðið að kaupa sultu sem er komin vel fram yfir síðasta söludag . Stattu á þínu og mundu að sulta er bara sulta .

Minningar mánaðarins

Woody Harrelson var ekki sá prúðasti sem unglingur og var t . d . handtekinn árið 1983 fyrir óspektir þar sem hann var að leika sér að því að stöðva umferðina . Woody henti sér svo út úr lögreglubílnum sem hann var settur í , hljóp í burtu og reyndi að gefa lögreglumanninum sem náði honum einn á lúðurinn . Hann slapp við fangelsisdóm en þurfti að greiða háa sekt .
Þau Topher Grace , Laura Prepon , Mila Kunis , Ashton Kutcher , Wilmer Valderrama og Danny Masterson sem léku aðalhlutverkin í gamanþáttunum That ’ 70s Show á árunum 1998 – 2006 hafa haldið hópinn síðan og hittast alltaf reglulega heima hjá hvert öðru til skiptis .
Leikkonan Alicja Bachleda , sem fer með aðalhlutverkið í myndinni The Girl Is in Trouble , er fyrrverandi unnusta Colins Farrell og barnsmóðir hans en þau byrjuðu saman þegar þau hittust við gerð myndarinnar Ondine og bjuggu saman í rúm tvö ár . Þess má geta að fyrsta kvikmyndahlutverk Alicju var í myndinni Pan Tadeusz : The Last Foray in Lithuania eftir Andrzej Wajda , en hún er tekjuhæsta mynd sem Pólverjar hafa gert .
Foreldrar ensku leikkonunnar Sallyar Hawkins , þau Jacqui og Colin Hawkins , eru barnabókahöfundar sem á árunum 1980 – 2005 sendu frá sér fjölda barnabóka , en þær áttu það sameiginlegt að dýr voru í aðalhlutverkum . Í einni þeirra , Crazy Cow , byggðu þau að eigin sögn titilkúna á persónuleika Sallyar .
Kristen Dunst lék í sinni fyrstu bíómynd sex ára gömul og sló svo í gegn tólf ára gömul í myndinni Interview with the Vampire árið 1994 þar sem hún lék á móti þeim Tom Cruise og Brad Pitt .
Þau Michael Keaton og Courteney Cox byrjuðu saman árið 1989 þegar Michael var einn vinsælasti leikari heims en Courteney tiltölulega óþekkt utan Bandaríkjanna . Sambandi þeirra lauk svo árið 1995 , ári eftir að Courteney byrjaði að leika í Friends og sló þar í gegn . Hún sagði síðar í viðtali að árin með Michael séu þau mikilvægustu í lífi hennar og að hann sé besti maður sem hún hefur kynnst .
Áður en Charlize Theron hélt að heiman frá Suður-Afríku til að freista gæfunnar í Hollywood hafði hún starfað í nokkur ár sem fyrirsæta . Þessi mynd var tekin af henni árið 1993 þegar hún var átján ára og algjörlega óþekkt .
Áður en Idris Elba hóf leiklistarferilinn starfaði hann sem plötusnúður hjá ýmsum klúbbum í London og sem upptökustjóri , þar á meðal á plötu Jay Z , American Gangster , árið 2007 .
6 Myndir mánaðarins