Myndir mánaðarins Nóvember 2017 tbl. 286 DVD-VOD-BR-Tölvuleikir

Höfnun konungsins – Woodshock Höfnun konungsins Uppgjöf eða dauði Sannsögulega myndin Höfnun konungsins gerist í apríl árið 1940 og segir frá því þegar þýski herinn kom til Oslóar og setti norsku ríkisstjórninni og konungi Noregs, Hákoni sjöunda, þá afarkosti að gefast upp eða deyja ella. Höfnun konungsins er afar vönduð, vel sviðsett og afburðavel leikin mynd þar sem atburðunum á fyrstu dögum innrásar þýska hersins í Noreg í apríl 1940 eru gerð sannferðug skil. Norðmenn höfðu vonast til að hlutleysi þeirra í síðari heimsstyrjöldinni yrði virt enda vanbúnir til átaka og því var þeim mikill vandi á höndum þegar Þjóðverjar kröfðu þá um uppgjöf. Átti konungurinn að fallast á það eða átti hann að hvetja norska herinn til mótstöðu gegn innrásarliðinu og hætta þar með á mikið mannfall? Myndin er afar sannferðug og ekki síst góð fyrir þá sem vilja kynna sér þessa atburði eins og þeir gerðust – þar sem þeir gerðust. Punktar ............................................................................................ HHHH - L. A. Times HHH 1/2 - H. Reporter HHH 1/2 - Village Voice HHH 1/2 - RogerEbert.com HHH 1/2 - S. F. Chronicle HHH - Variety Höfnun konungsins var framlag Norðmanna til Óskarsverðlaunanna 2017 í flokki bestu erlenda mynda ársins. l Hákon sjöundi, sem hét í raun Christian Frederik Carl Georg Valdemar Axel en var þekktur sem Karl prins af Danmörku, var sonur Friðriks áttunda Danakonungs og yngri bróðir Kristjáns tíunda sem síðar varð konungur Danmerkur. Karl er einn fárra konunga sem hefur verið þjóðkjörinn og þegar það gerðist árið 1905 ákvað hann að taka sér nafnið Hákon sjöundi. l VOD 133 mín Aðalhl.: Jesper Christensen, Anders Baasmo Christian- sen og Tuva Novotny Leikstj.: Erik Poppe Útg.: Sena 2. nóvember Sannsögulegt Þeir Jesper Christensen og Anders Baasmo Christiansen leika Hákon sjöunda og krónprinsinn Olav. Woodshock Hvað varstu að gera, Theresa? Theresa vinnur á afskekktum stað við framleiðslu á kannabis. Eiginmaður hennar er orðinn fjarlægur í viðmóti og vinnuveitandinn á það til að gera henni lífið leitt auk þess sem móðir hennar er að deyja. Allt þetta tekur sinn toll og smám saman kemur í ljós að undir yfirborðinu er önnur saga. Woodshock er ögrandi saga sem krefst þess af áhorfendum að þeir láti sig falla inn í veröld og hugarheima sem eru sennilega langt frá þeirra eigin. Sagan er að grunni til dramatísk en breytist áður en yfir lýkur í þrillerkennda sögufléttu sem kemur á óvart. Í aðalhlutverk er Kirsten Dunst sem þykir frábær í hlutverki Ther- esu, en hún hefur sjálf sagt að hlutverkið sé hennar mesta áskorun á ferlinum. Punktar ............................................................................................ HHH 1/2 - Rolling Stone HHH - Washington Post HHH - N. Y. Magazine Woodshock er fyrsta bíómynd systranna Kate og Lauru Mull- eavy, en þær hafa m.a. getið sér gott orð fyrir fatahönnun og sjónvarpsþættina The Fashion Fund þar sem þær kynntu sitt eigið vörumerki, Rodarte. l Myndin er að mestu tekin upp fyrir utan bæinn Arcata í Norður- Kaliforníu, 17 þúsund manna bæ þar sem þær Kate og Laura ólust upp, og er atburðarásin í myndinni að hluta til byggð á þeirra eigin upplifunum í æsku og sögum sem þær spunnu. l VOD 100 mín Aðalhlutverk: Kirsten Dunst, Joe Cole og Pilou Asbæk Leikstjórn: Kate og Laura Mulleavy Útgefandi: Sena Drama 2. nóvember Kirsten Dunst er frábær leikkona eins og flestir vita og þykir sýna sitt allra besta í Woodshock. Myndir mánaðarins 13

Myndir mánaðarins Nóvember 2017 tbl. 286 DVD-VOD-BR-Tölvuleikir | Page 13