Myndir mánaðarins Nóvember 2017 tbl. 286 DVD-VOD-BR-Tölvuleikir

War for the Planet of the Apes Upphafið eða endalokin? Eftir að apaflokkur Caesars verður fyrir miklum skaða í árás- um hersveitar undir stjórn hins illvíga Colonels ákveður Caesar að eina vörnin sé falin í sókn og segir í framhaldinu Colonel og mönnum hans miskunnarlaust stríð á hendur. War for the Planet of the Apes er þriðja myndin í seríunni sem hófst með Rise of the Planet of the Apes árið 2011. Framhaldið, Dawn of the Planet of the Apes, var svo frumsýnd 2014 en serían er í raun forsaga atburðanna í fyrstu myndinni, Planet of the Apes, sem gerð var árið 1968 og gat af sér fjórar framhaldsmyndir á sínum tíma. Fyrri tvær myndir forsögunnar hafa notið mikilla vinsælda og það er alveg óhætt að lofa aðdáendum seríunnar að þessi þriðja mynd er enn betri en þær enda hefur hún hlotið frábæra dóma. Andy Serkis leikur hér sem fyrr foringja apanna, Caesar, sem þrátt fyrir mikil áföll mun aldrei gefast upp í baráttunni við mannfólkið. War for the Planet of the Apes Punktar .................................................... Ævintýri HHHHH - Washington Post HHHHH - Wall Street Journal HHHHH - New York Times HHHHH - Los Angeles Times HHHH - Empire HHHH - Guardian HHHH - Time Out HHHH - CineVue HHHH - Indiewire HHHH - Telegraph 140 DVD mín Aðalhlutverk: Andy Serkis, Woody Harrelson, Judy Greer, Steve Zahn, Ty Olsson, Karin Konoval, Terry Notary og Max Lloyd-Jones Leikstjórn: Matt Reeves Útgefandi: Sena 2. nóvember Eins og sést á stjörnugjöfinni hér fyrir ofan hefur War for the Plan- ets of the Apes hlotið frábæra dóma, en hún er með 8,2 í meðaleink- unn fimmtíu gagnrýnenda á Metacritic.com og 7,7 á Imdb.com. l Þeir sem þekkja upphaf sögunnar um Apaplánetuna, þ.e. fyrstu myndina sem gerð var 1968, vita að enn hlýtur að vera talsvert í að þessi sería tengist beint atburðarásinni í henni, jafnvel einhverjar aldir. Samt er að finna í þessari mynd nokkrar vísbendingar um hvað koma skal, t.d. þá að heitið á sveitum uppreisnarmannanna og merki er það sama og heiti kjarnorkusprengjunnar í mynd nr. tvö, Beneath the Planet of the Apes, sem bendir til að uppreisnar- mennirnir séu forfeður hinna stökkbreyttu manna í þeirri mynd. l Woody Harrelson leikur hinn eitilharða Colonel sem er ákveðinn í að þurrka samfélag apanna út í eitt skipti fyrir öll, hvað sem það kostar. Veistu svarið? Leikstjóri War for of the Planet of the Apes, Matt Reeves sem leikstýrði einnig Dawn of the Planet of the Apes, sendi árið 2008 frá sér vísindaskáldsögu sem vakti mikla athygli og sagði frá innrás skrímsla af ókunnum uppruna í New York. Hvað hitir hún? Cloverfield. 10 Myndir mánaðarins

Myndir mánaðarins Nóvember 2017 tbl. 286 DVD-VOD-BR-Tölvuleikir | Page 10