Myndir mánaðarins MM Ágúst 2019 Bíóhluti | Page 16
Dora and the Lost City of Gold
Alltaf viðbúin!
Eftir að hafa alist að mestu upp í frumskóginum þarf Dóra nú að
setjast á skólabekk í borginni á meðan foreldrar hennar leggja
upp í langferð í leit að fornri borg sem sögð er hafa verið byggð
úr gulli. Þegar Dóra kemst svo að því að foreldrar hennar hafa
ratað í bráða lífshættu og þarfnast hjálpar kemur auðvitað
ekkert annað til greina en að leggja af stað og finna þá.
Það þekkja flestir teiknimyndaseríuna um Dóru landkönnuð sem
hófu göngu sína árið 2000 og hefur notið ómældra vinsælda allar
götur síðan um allan heim. Í þáttunum ferðaðist Dóra um Jörðina
ásamt foreldrum sínum og lenti í ýmsum ævintýrum ásamt apanum
sínum, Klossa, og frænda sínum og besta vini Díegó. Nú hafa ævin-
týri þeirra verið uppfærð í heila bíómynd þar sem fjörið og grínið
ræður ríkjum og sem fyrr kemur það að mestu í hlut Dóru að bjarga
málunum áður en það er of seint – á sinn hugvitsamlega hátt ...
Dora and the Lost City of Gold
Isabela Moner leikur hina úrræðagóðu og snjöllu Dóru.
Ævintýri / Fjölskyldumynd
102
mín
Aðalhlutverk: Isabela Moner, Eugenio Derbez, Michael Peña, Eva
Longoria, Danny Trejo, Jeff Wahlberg, Benicio del Toro, Nicholas
Coombe, Temuera Morrison og Madeleine Madden Leikstjórn:
James Bobin Bíó: Sambíóin Álfabakka, Kringlunni, Egilshöll, Akureyri
og Keflavík, Bíóhúsið Selfossi, Ísafjarðarbíó og Eyjabíó
Frumsýnd 23. ágúst
Punktar ....................................................
Isabela Moner var ekki alveg ókunnug ævintýraheimi Dóru land-
könnuðar þegar hún var valin til að fara með hlutverk hennar í
þessari mynd því hún talaði fyrir Kötu, vinkonu Dóru, í teikni-
myndaseríunni sem gerð var og sýnd á árunum 2014–2015.
l
Leikstjóri myndarinnar er James Bobin, en hann á að baki tvær
síðustu myndirnar um Prúðuleikarana, þ.e. The Muppet Movie og
Muppets Most Wanted, og myndina Alice Through the Looking Glass.
l
Þeir Danny Trejo og Benicio Del Toro tala fyrir tvær af teiknuðu
persónunum myndarinnar, þ.e. Danny fyrir apann hennar Dóru,
Klossa, og Benicio del Toro fyrir slóttugan ref sem nefnist Swiper.
l
Dóra ásamt foreldrum sínum sem Eva Longoria og Michael Peña leika.
Veistu svarið?
Isabela Moner, sem varð 18 ára 10. júlí, lék í
sinni fyrstu bíómynd, The House That Jack Built,
aðeins 11 ára að aldri. Síðan hefur hún t.d. leikið í
Transformers: The Last Knight og Sicario: Day of the
Soldado en í hvaða bíómynd lék hún síðast?
Hér sjást þau Eugenio Derbez, Nicholas Coombe, Jeff Wahlberg,
Madeleine Madden og Isabela Moner í einu atriði myndarinnar.
Instant Family.
16
Myndir mánaðarins