Myndir mánaðarins MM Október 2019 Bíóhluti | Page 14
Bíófréttir – Væntanlegt
Gugu Mbatha-Raw leikur stórt hlutverk í myndinni og
sést hér ásamt Edward Norton í hlutverki Lionels Essrog.
Hver myrti Frank?
Það hefur ekki mikið borið á Edward
Norton á undanförnum árum, eða
allt síðan hann var í sviðsljósinu árið
2014 þegar myndirnar Birdman og The
Grand Budapest Hotel gerðu það gott.
Að vísu hefur hann tekið að sér smærri
verkefni síðan þá en ástæðan fyrir því
að hann hefur ekki tekið að sér stærri
hlutverk er að hann keypti árið 2013
kvikmyndaréttinn að verðlaunabók
rithöfundarins
Jonathans
Lethem,
Motherless Brooklyn, og ákvað að gera
allt í senn, framleiða myndina, skrifa
handritið, leikstýra henni og leika aðalhlutverkið.
Myndin er nú svo gott sem tilbúin og verður frumsýnd í byrjun
nóvember. Hún segir frá manni einum, Lionel Essrog, sem þjáist
af tourette-taugaheilkenninu og starfar hjá einkaspæjara að nafni
Frank Minna í New York á sjötta áratug síðustu aldar. Dag einn er
Frank myrtur af ókunnum aðila og í framhaldinu kemst fátt annað
að í huga Lionels en að finna þann seka og komast að ástæðunni
fyrir morðinu. Það er Bruce Willis sem leikur Frank en á meðal
annarra leikara í stórum hlutverkum eru þau Willem Dafoe, Gugu
Mbatha-Raw, Alec Baldwin, Leslie Mann, Bobby Cannavale og
Fisher Stevens. Þess má geta að Edward er sterklega orðaður við
Óskarsverðlaun fyrir myndina og þykir frábær í aðalhlutverkinu.
Motherless Brooklyn er önnur mynd Edwards Norton sem
leikstjóra en þá fyrri, Keeping the Faith, gerði hann árið 2000.
14
Myndir mánaðarins
Matt Damon og Christian Bale leika þá Carroll Shelby og Ken Miles
sem tóku höndum saman um að byggja bíl fyrir Ford sem ætti
möguleika á að vinna Ferrari í Le Mans-kappakstrinum 1966.
Komdu með keppnisskapið!
Ford v Ferrari er nýjasta mynd leikstjórans
James Mangold (Logan, The Wolverine,
3:10 to Yuma, Walk the Line) og verður
hún frumsýnd 22. nóvember ef áætlun
gengur eftir. Þetta er sönn saga um
samstarf kappakstursmannsins Kens
Miles og bílasmiðsins og frumkvöðulsins
Carrolls Shelby sem árið 1966 fengu 90
daga til að setja saman bíl hjá Ford-verk-
smiðjunum sem gæti sigrað Ferrari í Le
Mans-kappakstrinum, en Ferrari-bifreiðar
báru þá höfuð og herðar yfir aðra kapp-
akstursbíla. Við förum ekki út í það hér
hvernig þessi tiltekni kappakstur fór eða hvað gerðist í honum,
en í myndinni er áherslan fyrst og fremst lögð á stormasamt
samband þeirra Kens og Carrolls sem voru gerólíkir karakterar en
þurftu að leggja persónulegan ágreining sinn til hliðar ef þeim
ætti að takast að smíða bílinn á svona skömmum tíma.
Með aðalhlutverkin fara þeir Matt Damon og Christian Bale og að
sjálfsögðu eru þeir báðir nefndir sem líklegir kandídatar til Óskars-
verðlauna svo og myndin sjálf, leikstjórn hennar og handrit. Við
sjáum hvað setur í þeim efnum en myndin, sem hefur verið sýnd
á nokkrum kvikmyndahátíðum, hefur hlotið mjög góða dóma og
þykir gefa frábæra innsýn í kappaksturslífið á þessum tíma.
Hinir raunverulegu Ken Miles og Carroll Shelby
á góðri stundu, sennilega í byrjun árs 1966.