Myndir mánaðarins MM Nóvember 2019 Bíóhluti | Page 26
Frozen II
Svaraðu kallinu
Teiknimyndin Frozen kom, var séð og sigraði heiminn árið
2013 enda varð hún fljótlega að vinsælustu teiknimynd
allra tíma og hlaut nánast öll þau verðlaun sem veitt eru
teiknimyndum, þ. á m. tvenn Óskarsverðlaun, fyrir besta
kvikmyndalag ársins (Let It Go) og sem besta teiknimynd
ársins. Síðan hafa aðdáendur beðið eftir framhaldinu sem nú
er loksins komið, en Frozen II verður frumsýnd 22. nóvember.
Það þarf alveg örugglega ekki að hvetja neinn aðdáanda fyrri
myndarinnar að sjá Frozen II í bíó en á bak við gerð hennar standa
allir þeir sömu og gerðu fyrri myndina, þ. á m. laga- og texta-
höfundarnir Kristen Anderson-Lopez og Robert Lopez sem galdra
hér fram nýjar perlur sem lifa munu lengi í minningunni, rétt eins
og t.d. lag þeirra Let It Go úr fyrri myndinni gerir enn í dag.
Að sjálfsögðu snúa allar aðalpersónur fyrri myndarinnar einnig
aftur ásamt nokkrum nýjum en hér segir frá því þegar þau Elsa,
Anna, Kristoff, Ólafur og hreindýrið Sveinn halda norður á bóginn
í leit að uppruna þess töframáttar sem Elsa býr yfir. Þar lenda þau
í mögnuðu og verulega óvæntu ævintýri, en einnig hættum sem
verða til þess að öfugt við ótta Elsu í fyrri myndinni um að kraftur
hennar væri of mikill óttast hún nú að krafturinn verði ekki nægur.
Frozen II
Teiknimynd / Fjölskylduskemmtun
108
mín
Íslensk talsetning: Þórdís Björk Þorfinnsdóttir, Ágústa Eva Erlends-
dóttir, Bergur Þór Ingólfsson, Sigurður Þór Óskarsson, Sveinn Ólafur
Gunnarsson, Thelma Hrönn Sigurdórsdóttir, Valur Freyr Einarsson,
Elva Ósk Ólafsdóttir, Haraldur Ari Stefánsson, Katrín Halldóra
Sigurðardóttir, Steinn Ármann Magnússon, Magnús Ólafsson, Björn
Thorarensen, Margrét Friðriksdóttir og fleiri
Bíó: Sambíóin Álfabakka, Kringlunni, Egilshöll, Keflavík og Akureyri,
Smárabíó, Laugarásbíó, Bíóhúsið Selfossi, Ísafjarðarbíó, Eyjabíó,
Bíóhöllin Akranesi, Skjaldborgarbíó og Króksbíó
Frumsýnd 22. nóvember
26
Myndir mánaðarins
Punktar ....................................................
Myndin verður sýnd með íslenskri, enskri og pólskri talsetningu
og í ensku talsetningunni eru það þau Kristen Bell, Idina Menzel,
Jason Ritter, Jonathan Groff, Evan Rachel Wood, Josh Gad, Sterling
K. Brown og Alfred Molina sem ljá helstu persónunum raddir sínar.
l