Myndir mánaðarins MM Nóvember 2019 Bíóhluti | Page 24
Midway
Orrustan sem breytti öllu
Midway er nýjasta mynd stórmyndakóngsins Rolands Emmer-
ich og dregur nafn sitt af samnefndri sjóorrustu á milli Banda-
ríkjanna og Japans í heimsstyrjöldinni síðari sem átti sér stað
vestan við Midway-eyju á Kyrrahafi 4.–7. júní 1942, sex mán-
uðum eftir að japanski flugherinn hafði gert árás á og stór-
laskað flota Bandaríkjanna í Pearl Harbour við Hawaii-eyjar.
Í Midway-orrustunni öttu kappi bandarísku flotaforingjarnir Chester
Nimitz, Frank Jack Fletcher og Raymond A. Spruance og japanskir
kollegar þeirra, Isoroku Yamamoto, Chūichi Nagumo og Nobutake
Kondō, og voru það þeir síðarnefndu sem gerðu árásina, en markmið
Japana var sem fyrr að þurrka út allan flota Bandaríkjanna á Kyrrhafi
svo þeir gætu verið þar einráðir. Sagan í myndinni er sögð fylgja hinni
raunverulegu atburðarás nokkuð vel og að sjálfsögðu verður boðið
upp á magnaða kvikmyndaveislu og hasar að hætti Rolands sem nýtir
sér hljóð- og sjónbrellur til fulls við að koma upplifuninni til skila ...
Midway
Woody Harrelson leikur flotaforingjann Chester Nimitz sem bar
ásamt tveimur öðrum bandarískum flotaforingjum hitann og
þungann af gagnaðgerðum Bandaríkjamanna í orrustunni.
Sannsögulegt
138
mín
Aðalhlutverk: Woody Harrelson, Ed Skrein, Patrick Wilson, Luke
Evans, Aaron Eckhart, Nick Jonas, Mandy Moore, Dennis Quaid
og Darren Criss Leikstjórn: Roland Emmerich Bíó: Laugarásbíó,
Smárabíó, Sambíóið Álfabakka og Borgarbíó Akureyri
Frumsýnd 15. nóvember
Punktar ....................................................
Þegar upp var staðið eftir hina þriggja daga Midway-orrustu
höfðu báðir aðilar tapað nokkrum skipum en það sem gerði gæfu-
muninn var að Bandaríkjamönnum tókst að skjóta niður og eyði-
leggja allar flugvélarnar sem Japanir voru með á skipum sínum (og
beittu m.a. hiklaust til sjálfsmorðsárása) og lama þá þar með í lofti
á meðan þeir sjálfir áttu nóg af flugvélum eftir. Talið er að Banda-
ríkjamenn hafi misst 307 manns í hildarleiknum sem orrustan sann-
arlega var en Japanir misstu meira en þrjú þúsund manns, þ. á m.
alla sína flugmenn, og áttu ekki eftir að bera sitt barr eftir þetta.
l
Midway á örugglega eftir að njóta mikilla vinsælda og viljum við
minna á að þetta er akkúrat sú tegund af mynd sem kvikmynda-
áhugafólk þarf að sjá á stóru tjaldi þar sem hasarinn nýtur sín best.
l
Patrick Wilson er á meðal fjölmargra þekktra leikara í myndinni.
Veistu svarið?
Nokkrir af aðalleikurum Midway hafa áður starfað
með leikstjóranum Roland Emmerich, þ. á m. Woody
Harrelson sem lék spámanninn Charlie Frost í mynd
hans 2012. En hvaða bandaríski leikari fór með aðal-
hlutverkið í þeirri mynd, hlutverk Jacksons Curtis?
Roland Emmerich við tökur á myndinni en hann á m.a. að baki
Independence Day-myndirnar tvær, Stargate, White House Down,
The Day After Tomorrow, 2012, Godzilla og Universal Soldier.
John Cusack.
24
Myndir mánaðarins