Myndir mánaðarins MM Maí 2019 DVD BR VOD Tleikir

Stjörnuspá mánaðarins Stjörnuspá mánaðarins Vatnsberinn 20. jan. - 18. feb. Framtíðarhorfurnar þínar hafa sjaldan eða aldrei verið jafn bjartar og þær eru einmitt núna og það eina neikvæða sem lesa má úr kortunum er að þú færð stein í skóinn. Hristu hann bara úr. Tvíburarnir 21. maí - 21. júní Þú dregur auga í pung sem er auðvitað ekki fallega gert en sleppur með það af því að enginn var að horfa. Reyndu að sjá lausnir í vandamálunum frekar en vandamál í lausnunum og þá fer allt vel. Vogin 23. sept. - 23. okt. Þú ofþornar þann sextánda maí en þarft ekki að hafa áhyggjur af því fyrr en þann fimmtánda. Þangað til skaltu halda áfram að elta drauma þína þótt þeir séu alveg fáránlega heimskulegir. Fiskarnir 19. feb. - 20. mars Þér verður boðið að ganga í nokkur félög á næstu dögum sem hafa það á stefnuskránni að plokka af þér pen- inga. Segðu nei, takk og hlauptu hratt í burtu, helst upp á Holtavörðuheiði. Krabbinn 22. júní - 22. júlí Þér líður enn dálítið eins og þú sért lítill, ódýr og einnota kveikjari sem er alveg að verða búinn með gasið. Reyndu að hressa þig við með því að skella þér suður á Flatir að fleyta bárum. Sporðdrekinn 24. okt. - 21. nóv. Þú færð gífurlegan áhuga á geimvís- indaprógrömmum upp úr tólfta en hann endist ekki lengi frekar en annað. Láttu engan segja þér fyrir verkum og láttu alla vita hver ræður með því að slá Hrúturinn 21. mars - 19. apríl Stjörnukortið þitt fyrir maímánuð er mjög óvenjulegt í þetta sinn því það er allt út í einhverjum svörtum blettum. Þú þarft að athuga það og um leið hvað það kostar að stofna vistvænt geitabú. Ljónið 23. júlí - 22. ágúst Það steðja að þér gríðarlega erfið mál á næstu vikum sem krefjast skjótra og úthugsaðra úrlausna. Sópaðu þeim undir teppið og íhugaðu frekar hvern- ig þú kemst ódýrt til útlanda í sumar. Bogmaðurinn 22. nóv. - 21. des. Það birtir verulega til hjá þér í maí eins og reyndar hjá öllum sem búa á norð- urhveli Jarðar. Hugsaðu þig um áður en þú tekur áhættu því það situr ein- hver á svikaráðum, sennilega Þráinn. Nautið 20. apríl - 20. maí Ekki láta neikvæðar raddir hafa áhrif á þig nema ef það er löggan að biðja þig um að vera ekki með stæla. Þú tekur af- stöðu í máli sem snertir yfirbrunna brauðrist og liggur ekki á þinni skoðun. Meyjan 23. ágúst - 22. sept. Það óvenjulega gerist hjá þér í maí að það vex á þig nýr handleggur með innbyggðum síma. Vondu fréttirnar eru að hann virkar ekki. Kærðu þig koll- ótta(nn) og skráðu þig í Tækniskólann. Steingeitin 22. des. - 19. jan. Sumarið er uppáhaldstími allra sem fæddir eru í steingeitarmerkinu enda gefst þeim þá góður tími til að taka til í geymslunni, klára það sem hefur setið á hakanum og bregða sér til Blönduóss. framhald í næstu stjörnuspá Hitt og þetta ... Hvað eiga þau Jamie Dornan, Wes Anderson, Dwayne Johnson, Henry Cavill, George Clooney, Rosario Dawson, Emilio Estevez, Domhnall Gleeson, Ving Rhames, Gabriel Byrne, Jason Biggs, Robert Pattinson, Harvey Keitel, Sam- antha Morton, Cate Blanchett, George Lucas, Robert Zemeckis, Tim Roth, Sofia Coppola, Megan Fox, Danny Trejo, Pierce Brosnan, Debra Winger, Tina Fey, Rebecca Hall, Judge Reinhold, John C. Reilly, Alfred Molina, Kristin Scott Thomas, Jim Broadbent, Priscilla Presley, Ian McKellen, Cillian Murphy, Anne Hecke, Mike Myers, Octavia Spencer, Jackie Weaver, Helena Bonham Carter, Pam Grier, Tarsem Singh, Joseph Fiennes, Paul Bettany, Joseph Gordon-Levitt, Carey Mulligan, Annette Bening, Rupert Everett, Clint Eastwood, Colin Farrell, Tom Berenger, Chris Elliott, Lea Thompson, Chow-Yun Fat og Brooke Shields sameiginlegt? Jú, þau eiga öll afmæli í maí, alveg eins og Danny Elfman, Kylie Minogue, Lenny Kravitz, Matt Stone, Stevie Nicks, Jamie Kennedy, Tommy Chong, Bob Dylan, Drew Carey, David Beck- ham, Lance Bass, Randy Travis, Adele, Enrique Iglesias, Billy Joel, Bono, Linda Evangelista, Stevie Wonder, Stephen Colbert, Janet Jackson, Craig Ferguson, Bob Saget, Pete Townshend, Cher og áreiðanlega margir fleiri. 6 Myndir mánaðarins Sá sem leikur hinn eldhressa Jack í Mary Poppins Returns, Lin- Manuel Miranda, hefur ekki leikið í mörgum bíómyndum og í raun má segja að Mary Poppins Returns sé fyrsta stóra myndin sem hann leikur í. Í Bandaríkjunum hefur hann hins vegar fyrir löngu skapað sér nafn sem sviðsleikari, handrita-, söngleikja- og lagahöf- undur, enda hefur hann hlotið tvenn Tony-verðlaun, Grammy- verðlaun og Emmy-verðlaun. Hann var einnig tilnefndur til Óskarsverðlauna fyrir lagið How Far I’ll Go úr teiknimyndinni Moana (Vaiana) og ef hann hefði hlotið þau hefði hann orðið sextánda manneskjan í sögu bandaríska skemmtiiðnaðarins til að hampa svokallaðri EGOT- alslemmu en svo kallast það þegar ein og sama persónan hefur hlotið Emmy-, Grammy-, Óskars- og Tony-verðlaun. Næli hann sér í Óskar, sem margir spá að hann muni gera, verður hann jafnframt þriðji Pulitzer-verðlaunahafinn í sögunni til að ná þeim árangri. Í maí verða liðin 20 ár síðan myndin Notting Hill var frumsýnd en hún er áreiðanlega á topp 10-lista margra yfir bestu rómantísku kómedíur sem þeir hafa séð. Um leið verða liðin 40 ár síðan tvær af frægustu myndum allra tíma voru frumsýndar, þ.e. Apo- calypse Now og Alien, en þær voru báðar frumsýndar í maí 1979 og erum við þá að tala um fyrstu frumsýningar erlendis því á þeim tíma leið alltaf dálítill tími, jafnvel ár, þar til nýjustu myndirnar komu loksins í bíó á Íslandi. Fimmtugsafmæli fagnar svo myndin Midnight Cowboy sem var frumsýnd 25. maí 1969 í New York og átti eftir að fá Óskarinn sem besta mynd ársins. Clint Eastwood er eitt af afmælis- börnum maímánaðar en hann verður 89 ára 31. maí. Um leið eru liðin 64 ár síðan hann steig sín fyrstu leiklistarspor árið 1955, 25 ára að aldri, og segir sagan að hann hafi í fyrstu fengið hlutverk út á útlitið frekar en leikhæfileikana. Samt sem áður einkenndust fyrstu árin hans í leiklistinni af talsverðu ströggli, en úr því tók að rætast árið 1959 þegar hann fékk hlutverk í sjónvarpsþáttunum Rawhide sem náðu talsverðum vinsældum. Það var svo árið 1964 þegar ítalski leikstjórinn Sergio Leone fékk Clint í hlutverk nafnlausa byssumannsins í spag- hettívestranum A Fistful of Dollars og síðan framhaldsmyndunum For a Few Dollars More og The Good, the Bad and the Ugly að stjarna hans reis upp í hæstu hæðir þar sem hún hefur ávallt haldið sig síðan. Við hvetjum alla til að heiðra kappann með því að sjá nýjustu mynd hans, The Mule, sem lesa má um á bls. 20 hér aftar í blaðinu.

Myndir mánaðarins MM Maí 2019 DVD BR VOD Tleikir | Page 6