Myndir mánaðarins MM Mars 2019 DVD BR VOD og tölvuleikir

Gullkorn Við höfum ekki beðið um skilnað. - Jamie Lee Curtis, spurð hvaða leyndardómur liggi að baki því að hjónaband hennar og Christ- ophers Guest hafi enst í 35 ár. Fólk heldur eðlilega að „óháður“ kvikmyndagerðarmaður sé eng- um háður. Þetta er ekki alveg rétt. Maður er alltaf háður þeim sem fjármagna myndina. „Óháður“ þýðir hins vegar að þeir sem útvega fjármagnið geta ekki tekið yfir eða breytt mynd kvik- myndagerðarmannsins á nokkurn hátt án hans samþykkis. Um það semja stóru fyrirtækin ekki. - David Gordon Green. Hún á það til að sýna allar gerðir tilfinninga á sömu fimm mínút- unum. Draumur allra leikara. - Olivia Colman, um persónuna sem hún leikur í The Favourite, Önnu Englandsdrottningu. Hvergi. Ég hata að fara í verslanir, finnst fátt leiðinlegra en að versla. - Rachel Weisz, spurð hvar hún versli helst. 8 Myndir mánaðarins Þetta er reyndar stolin mynd- líking frá Ryan Gosling en ... þú veist ... þú ert að gera eitthvað, dunda þér við eitthvað heima eða einhvers staðar úti að keyra og ert með útvarpið á. Mörg lög fara inn um annað en út um hitt ... en svo kemur allt í einu lag sem maður hefur ekki heyrt áður og nær athygli manns ... fær mann til að sperra eyrun. Svo hækkar maður. Svo finnur maður út hvaða lag þetta er og hlustar á það aftur. Og aftur. Ég er alltaf að leita að nákvæmlega þessu þegar ég les handrit. Einhverju í aðstæðunum eða persónunum sem grípur svona í mig. Ef það gerist þá kviknar áhuginn. - Emma Stone, spurð hvers konar hlutverk heilli hana helst. Þeir eru handan við það að vera fágaðir herramenn. Um leið eru þeir heilsteyptustu manneskjur sem ég hef kynnst. Það skipti þá öllu að mér tækist að túlka besta vin þeirra eins vel og hægt var. - Rami Malek, að tala um þá Brian May og Roger Taylor. Við Kanadamenn erum svona mitt á milli alls sem er og eiginlega ekkert í sjálfu sér. Við erum ekki enskir, ekki franskir, ekki amerískir ... heldur einhvers staðar þarna mitt á milli ... og í engu sérstakir. Ef við værum grænmeti þá værum við sellerí. - Mike Myers. Ég notaði aldrei Christopher- millinafnið. Var bara John Reilly. Svo þegar ég var að leika í Casualties of War fékk ég bréf frá stéttarfélaginu og var beðinn að nota millinafnið til að forðast rugling því það væru svo margir John Reillyar í bransanum. Þeir féllust á að ég notaði bara C-ið. Síðan hef ég verið John C. Reilly. - John C. Reilly. Síðasta gagnrýni sem ég las birtist árið 1975. Þá skrifaði Pauline Kael um leik minn í The Day of the Locust: „Það var ekkert sérstakt sem var rangt við leik Donalds Sutherland, hann var bara að öllu leyti skelfilegur.“ Ég hef ekki lesið gagnrýni síðan. - Donald Sutherland. Það langbesta við að eldast er að atvinnuleysi verður skemmti- legra og skemmtilegra. - Rupert Everett. Ég held ég hafi séð allar myndir með Gwyneth Paltrow, Winonu Ryder og Kirsten Dunst. Svarar það ekki spurningunni? - Emma Roberts, spurð hvaða leik- konur hafi haft mest áhrif á hana. Ég hef unnið með mörgum góð- um leikstjórum en að öllum öðrum ólöstuðum þá eru Coen- bræður mestu fagmennirnir sem ég hef kynnst. Þeir vissu alltaf nákvæmlega hvað þeir voru að gera og það voru aldrei neinar efasemdir eða breytingar á neinu sem hafði verið ákveðið. Svo eru þeir svo fljótir að vinna tökurnar. Ég var alltaf komin heim kl. 5. - Carey Mulligan sem lék m.a. í myndinni Inside Llewyn Davis. Ég græt oft og mikið. Vel gerð líftryggingaauglýsing kostar mig hálfan kassa af Kleenex. - Ike Barinholtz. London er uppáhaldsborgin mín. Fyrir utan að þar býr fólk frá öllum löndum veraldar drýpur mannkynssagan af nánast öllu sem þú sérð þar. Hvert einasta hús virðist búa yfir leyndarmáli. - Alison Sudol, sem lagði stund á sagnfræði þegar hún var í skóla. Sumir segja að leikarar setji upp grímu þegar þeir leika. Þessu er ég algerlega ósammála því fyrir mér felst leikur einmitt í því að taka grímuna niður. - Viola Davis.

Myndir mánaðarins MM Mars 2019 DVD BR VOD og tölvuleikir | Page 8