Myndir mánaðarins MM Júní 2019 DVD VOD Tleikir | Page 23
Captive State
Allar byltingar byrja á neista
Í tiltölulega náinni framtíð hafa dularfullar „geimverur“ tekið
völdin á Jörðu og fengið margt fólk í lið með sér. Á móti kemur
að þeir eru líka margir sem geta ekki sætt sig við þessa nýju
alheimsstjórn og leita því leiða til að velta geimverunum úr
sessi. Til þess þarf mikla kænsku ... og enn meira hugrekki.
Þeir eru margir sem kunna að meta góðar framtíðar- og vísinda-
skáldsögur og Captive State, nýjasta mynd leikstjórans Ruperts
Wyatt sem gerði m.a. myndirnar The Escapist, The Gambler og
hina þrælgóðu Rise of the Planet of the Apes, hefur hitt beint í
mark hjá þeim hópi. Þetta er ein af þeim myndum þar sem ekki
má greina væntanlegum áhorfendum of mikið frá framvindunni
til að skemma ekki fyrir upplifuninni en til viðbótar því sem kemur
fram hér í innganginum má þó segja að myndin gerist í Chicago
og er sagan fyrst og fremst sögð frá sjónarhóli lögreglumannsins
Mulligans (John Goodman) sem hefur einsett sér að safna liði gegn
geimverunum öflugu þótt það gæti hæglega kostað hann lífið ...
Captive State
Tryllir / Vísindaskáldsaga
John Goodman leikur lögreglumanninn Mulligan sem fær m.a. í lið
með sér hinn unga Gabriel (Ashton Sanders), en hann er sonur
manns sem gerði uppreisn gegn geimverunum en féll í valinn.
109
VOD
mín
Aðalhlutverk: John Goodman, Ashton Sanders, Machine Gun Kelly,
Vera Farmiga, D.B. Sweeney, Alan Ruck, Kevin Dunn og Jonathan
Majors Leikstjórn: Rupert Wyatt Útgefandi: Myndform
28. júní
Punktar ....................................................
HHHH 1/2 - Variety HHHH 1/2 - IGN HHHH 1/2 - Paste Magaz.
HHHH - Film Threat HHH 1/2 - C. Sun-Times HHH - Slant
HHH - Rolling Stone HHH - The Guardian HHH - Empire
Leikstjóri myndarinnar, Rupert Wyatt, skrifaði einnig söguna og
handritið ásamt eiginkonu sinni, Ericu Beeney.
l
l
Captive State er öll tekin upp þar sem hún gerist, þ.e. í Chicago.
Tónlistarmaðurinn Richard Colson Baker, sem er betur þekktur
sem Machine Gun Kelly, eða MGK, leikur stórt hlutverk í myndinni.
l
Machine Gun Kelly og Ashton Sanders í hlutverkum sínum.
Veistu svarið?
Eftir að leikstjórinn Rupert Wyatt lauk við The
Gambler árið 2014 var altalað að hann myndi
næst leikstýra myndinni Gambit um samnefnda
ofurhetju. Úr því varð þó ekki og spurningin er:
Hvaða þekkti leikstjóri mun leikstýra Gambit?
Doug Liman.
Myndir mánaðarins
23