Myndir mánaðarins MM Júní 2019 DVD VOD Tleikir | Page 19
Spider-Man
VOD
136
mín
20.
júní
Lengi vel stóð til að Sam Raimi myndi
gera fjórðu Spider-Man-myndina með
Tobey Maguire í aðalhlutverki eins og
verið hafði en vegna einhvers listræns
ágreinings varð ekkert úr því. Þess í stað
var ákveðið að byrja Spider-Man-söguna
upp á nýtt og í þetta sinn með Andrew
Garfield í aðalhlutverki og Emmu Stone
í hlutverki kærustu hans, Gwen Stacy,
en þau Andrew og Emma voru þá par í
raunveruleikanum. Myndinni, sem Marc
Webb leikstýrði, var vel tekið þegar hún
var frumsýnd sumarið 2012 en í henni
glímdi Peter Parker m.a. við dr. Curt
Connors (Rhys Ifans), öðru nafni The
Lizard, sem gerði honum lífið leitt auk
þess sem hann reyndi að ráða gátuna
um afdrif foreldra sinna, en sú ráðgáta
hafði lengi hvílt á honum eins og mara.
VOD
142
mín
20.
júní
The Amazing Spider-Man 2 var svo frum-
sýnd sumarið 2014 með sömu leikurum
í aðalhlutverkum og í hlutverkum helstu
andstæðinga kóngulóarmannsins að
þessu sinni voru þeir Dane DeHaan sem
Harry Osborn en hann hafði í þetta sinn
breytt sér í The Green Goblin og Jamie
Foxx sem lék Max Dillon en hann hafði
yfirnáttúrlegt vald á rafmagni þegar
hann breyttist í hinn stórhættulega
Electro. Myndinni var á ný leikstýrt af
Mark Webb og gekk vel, en þó ekki jafn
vel og fyrri myndunum fjórum hafði
gengið hvað aðsókn í kvikmyndahúsum
varðaði. Hvort það hafi verið það eða
eitthvað annað þá var ákveðið að binda
enda á Amazing-seríuna og byrja aftur
upp á nýtt, en þó á annan hátt en áður
því nú komu The Avengers til sögunnar.
VOD
133
mín
20.
júní
Spider-Man: Homecoming var svo frum-
sýnd sumarið 2017 og nú var það breski
leikarinn Tom Holland sem kominn var
í búning kóngulóarmannsins. Myndin
var öðruvísi en fyrri myndirnar fimm
enda hafði hinn nýi Peter Parker verið
kynntur til sögunnar í Civil War og því
var upprunasögu hans sleppt þótt
vissulega væri hann enn byrjandi í
ofurhetjubransanum. En Homecoming
fékk frábæra dóma og lagði grunninn
að þátttöku Peters Parker í Avenger-
myndunum Infinity War og Endgame.
Þar með var sú hugmynd opinberuð að í
næstu Spider-Man-mynd, Far From Home
sem frumsýnd verður í júlí, myndi sagan
jafnframt vera ákveðið upphaf upphaf
nýrrar seríu um Marvel-ofurhetjurnar.
Hvernig það spilast á eftir að koma í ljós.
Myndir mánaðarins
19