Myndir mánaðarins MM Júlí 2019 DVD VOD BR

Undragarðurinn Velkomin í Undragarðinn Dögg er ung og ákaflega hugmyndarík stúlka sem með aðstoð móður sinnar skapar ekki bara söguna um Undragarðinn, stórkostlegan skemmtigarð sem stjórnað er af dýrum, heldur byggir upp hluta hans heima hjá þeim mæðgum. Þegar Dögg finnur síðan fyrir tilviljun gamlan og gleymdan skemmtigarð í niðurníðslu reynist ímyndunarafl hennar svo sterkt að garður- inn hreinlega lifnar við ásamt dýrunum sem Dögg skapaði. Undragarðurinn er einstaklega skemmtileg teiknimynd, fjörug, fynd- in og hæfilega spennandi fyrir alla aldurshópa. Fyrir utan Dögg, sem óhætt er að segja að sé gædd miklum sköpunarkrafti, kynnumst við hér kostulegum dýrahópi, þ. á m. bláa birninum Þrym, villigeltinum Grétu, bjórunum og bræðrunum Kobba og Bunka, broddgeltinum Stebba (sem er ástfanginn af Grétu) og apanum Smára, en þessi dýr eiga eftir að hjálpa Dögg að láta Undragarðinn standa undir nafni! Punktar .................................................... Undragarðurinn kemur út bæði með íslenskri talsetningu og enskri og í síðarnefndu útgáfunni eru það m.a. þau Sofia Mali, Mila Kunis, John Oliver, Ken Jeong, Jennifer Garner, Ken Hudson Camp- bell, Kenan Thompson, Matthew Broderick, Brianna Denski og Norbert Leo Butz sem tala fyrir helstu persónurnar. l Undragarðurinn Teiknimynd 85 VOD mín Íslensk talsetning: Agla Bríet Einarsdóttir, Hannes Óli Ágústsson, Salka Sól Eyfeld, Björgvin Franz Gíslason, Magnús Jónsson, Tinna Hrafnsdóttir, Valur Freyr Einarsson, Oddur Júlíusson, Eyþór Ingi Gunnlaugsson, Gabríel Máni Kristjánsson o.fl. Leikstjórn: Lára Sveinsdóttir Útgefandi: Síminn og Vodafone 31. júlí Myndir mánaðarins 27

Myndir mánaðarins MM Júlí 2019 DVD VOD BR | Page 27