Bíófréttir – Væntanlegt
Rómantíska kómedían Yesterday verður frumsýnd 26. júní og
er spáð miklum vinsældum í kvikmyndahúsum heimsins.
Elisabeth Moss, Melissa McCarthy og Tiffany Haddish leika
aðalhlutverkin í myndinni The Kitchen sem kemur í bíó í ágúst.
Sjáumst í bíó! Konurnar taka völdin
Þetta blað fór í prentun dálítið fyrr í mánuðinum en venjan er og
þegar það kemur út á enn eftir að frumsýna tvær af aðalmyndum
júnímánaðar, Yesterday, sem búist er við að verði stórsmellur og svo
þriðju myndina um andsetnu brúðuna Annabelle sem virðist alltaf
finna leið til að hrella mann og annan þrátt fyrir að vera kirfilega
lokuð inni í búri í kirfilega lokuðum kjallaraherbergjum. Þess utan
er nýbúið að frumsýna þrjár aðrar ólíkar en góðar myndir, Toy
Story 4 sem fengið hefur frábæra dóma og enginn má missa af í
bíó, heimildarmyndina um knattspyrnugoðið Diego Maradona
sem ætti að vera skylduáhorf fyrir bæði fótboltaunnendur og
unnendur góðra heimildarmynda og svo rómantíska grínsmellinn
Long Shot þar sem þau Seth Rogen og Charlize Theron koma öll-
um á óvart og rugla saman reitum. Það er því full ástæða fyrir allt
kvikmyndaáhugafólk að skella sér í bíó í vikunni og klára júní-
skammtinn áður en júlímyndirnar koma og taka hvíta tjaldið yfir! The Kitchen er fyrsta leikstjórnarverkefni
Andreu Berloff sem leikstjóra, en hún skrif-
aði einnig handritið og á auk þess að baki
t.d. handrit myndanna Sleepless, Blood
Father og Straight Outta Compton sem
aflaði henni og meðhöfundum hennar
tilnefninga til Óskarsverðlaunanna 2016
auk fjölda annarra viðurkenninga.
Myndin, sem er væntanleg í kvikmynda-
hús 14. ágúst, er byggð á samnefndum
teiknimyndasögum eftir þá Ollie Masters
og Ming Doyle sem DC Entertainment
gaf út og segir frá þremur eiginkonum írskra mafíósa í New York
árið 1978 sem ákveða að halda mafíustarfsemi eiginmanna sinna
gangandi eftir að þeim er stungið í steininn. Sú starfsemi inniheldur
öll almenn mafíuverkefni, þar með talið að senda óæskilega keppi-
nauta yfir til forfeðra sinna snauti þeir ekki sjálfviljugir á braut.
Fyrsta stiklan er nýkomin út og lofar það góðu að það kæmi okkur
hér á Myndum mánaðarins ekki á óvart ef The Kitchen yrði þegar
upp verður staðið ein af verðlaunamyndum ársins. Kíkið á hana.
Doctor Sleep
Hér sjáum við Ewan McGregor
í hlutverki Dannys Torrance
gægjast í gegnum gatið fræga
sem faðir hans, Jack Torrance,
hjó í baðherbergishurðina í
mynd Stanleys Kubrick, The
Shining, þegar hann var að
reyna að ná bæði honum og
móður hans til að drepa þau,
óður af einhvers konar geðveiki
sem yfirtekið hafði huga hans,
en myndin var eins og flestir
vita gerð árið 1980 eftir einni
af mörgum frægum bókum Stephens King. Nú er sem sagt búið
að kvikmynda framhald þessarar sögu eftir bókinni Doctor Sleep
sem kom út 2013 þar sem aðalpersónan er fyrrnefndur Danny
Torrance þegar hann er kominn á miðjan aldur og er enn að glíma
við afleiðingarnar af því sem gerðist á Overlook-hótelinu. Honum
hefur hins vegar tekist að fanga hluta af þeirri skyggnigáfu sem
hann býr yfir og nota hana til góðs en á það reynir þegar hann
hittir unga stúlku sem virðist búa yfir sömu gáfu og hann sjálfur.
Myndin, sem Mike Flanagan leikstýrir, verður frumsýnd í nóvember
og er þeim sem vilja vita meira bent á að skoða glænýja stikluna.
6
Myndir mánaðarins