Myndasyrpa
MTV-kvikmynda- og sjónvarpsverðlaunin voru afhent 15. júní en á
þeirri hátíð eru verðlaun veitt fyrir ýmislegt óvenjulegt eins og besta
slaginn, besta kossinn og bestu hetjuna, svo eitthvað sé nefnt. Í
fyrstnefnda flokknum, verðlaunin fyrir besta slaginn, hlaut Brie Larson
poppkornsboxið fyrir frammistöðuna í Captain Marvel og hafði þá
þegar ákveðið að taka með sér upp á svið þær Renae Moneymaker
og Joönnu Bennett enda sagði hún þær verðskulda verðlaunin miklu
fremur þar sem þær hefðu verið staðgenglar hennar í myndinni og
framkvæmt áhættuatriðin, þar á meðal stærsta hluta slagsmálanna.
Stjarna hinnar 22 ára gömlu Zendayu hefur risið
hratt að undanförnu og á vafalaust eftir að fara
hærra þegar Spider-Man: Homecoming verður
frumsýnd 3. júlí og kannski enn hærra en það
þegar næsta mynd Denis Villeneuve, Dune,
kemur í bíó, en þar fer hún með hlutverk Chani.
Fyrsta ljósmyndin úr næstu mynd Stevens Spielberg sem leikstjóra,
söngleiknum West Side Story, var birt í júní og sýnir aðalpersónurnar, þau
Tony og Mariu ásamt hóp af vinum Tonys, og er uppstillingin sennilega
nokkuð kunnugleg þeim sem þekkja vel til 1957-myndarinnar. Með
hlutverk Tonys og Mariu fara Ansel Elgort og Rachel Zegler og verður
myndin frumsýnd 18. desember 2020. Fyrir þá sem ekki vita þá er West
Side Story-sagan eftir Arthur Laurents sem byggði hana aftur lauslega á
Rómeó og Júlíu eftir William Shakespeare og það voru síðan þeir Leonard
Bernstein og Stephen Sondheim sem sömdu tónlistina og lagatextana.
Það fór mjög vel á með þeim Ed Sheeran og
Lily James þar sem þau hittust á forsýningu
myndarinnar Yesterday í London á dögunum,
en myndin verður frumsýnd 26. júní og er
reiknað með að hún muni hljóta mikla aðsókn
í kvikmyndahúsum heimsins langt fram í júlí.
Keanu Reeves hefur lengi notið mikilla vin-
sælda en sjaldan samt jafnmikilla og einmitt
núna eftir frammistöðuna í John Wick 3. Eins og
áður vekur hann ekki síður athygli fyrir að vera
gersamlega laus við allt sem kalla má stjörnu-
stæla og lætur sér frægðina í léttu rúmi liggja.
Myndir mánaðarins
15