Bíófréttir – Væntanlegt
Nú mætir hann!
Fleiri hákarlar
Glöggir lesendur blaðsins muna kannski að við sögðum frá því í
febrúarblaðinu að myndin The Informer væri væntanleg í bíó í mars
enda stóð það til á þeim tíma. Frumsýningunni var hins vegar frest-
að af ókunnum ástæðum fram í ágúst þannig að það er full ástæða
til að minna á hana aftur núna. The Informer er byggð á bókinni
Þrjár sekúndur eftir sænska tvíeykið Anders Roslund og Börge
Hellström sem kom út árið 2009 og var rómuð sem ein albesta
spennusaga þess árs. Þar fer sænski leikarinn Joel Kinnaman með
hlutverk uppljóstrara að nafni Pete Koslow sem óhætt er að segja
að lendi á milli steins og sleggju þegar hann neyðist til að láta loka
sig inni í fangelsi svo hann geti nálgast harðsvírað glæpagengi
innan frá. Fram að því hafði fjölskylda hans ekki haft hugmynd
um við hvað hann starfaði og lendir í framhaldinu í stórhættu á
meðan Pete er lokaður inni. Við förum ekki nánar út í óvæntan og
æsispennandi söguþráðinn hér en bendum á kraftmikla stikluna. Hákarlamyndir eru fyrir löngu orðnar sér
flokkur innan kvikmyndanna enda hafa
þær skotið upp kollinum með nokkuð
reglulegu millibili allar götur frá því að
meistaraverkið Jaws eftir Steven Spielberg
sló rækilega í gegn árið 1975 og lagði þann
grunn að hákarlamyndir hafa æ síðan átt
traustan aðdáendahóp sem mætir á þær. Í ágúst bætist enn ein
slík mynd við en hún er eftir enska leikstjórann Johannes Roberts,
þann sama og sendi frá sér hákarlamyndina 47 Meters Down
sumarið 2017. Þessi nýja mynd er ekki framhald af þeirri sögu en
ber samt framhaldsnafnið 47 Meters Down: Uncaged og segir frá
fjórum unglingsstúlkum sem komast í hann krappan þegar þær
kafa niður í rústir fornrar borgar og uppgötva að þar ráða ríkjum
hættulegustu hákarlar allra tíma sem hafa ekkert á móti því að fá
ferskar og bragðgóðar unglingsstúlkur í matinn. Kíkið á stikluna.
Nú er það svart! Ágústhrollurinn
Sérsveitarmaðurinn og lífvörðurinn
Mike Banning mætir í þriðja sinn á hvítu
tjöldin í ágúst eftir að hafa gert garðinn
frægan í hasarmyndunum Olympus
Has Fallen árið 2013 og síðan London
Has Fallen sumarið 2017. Nýja myndin
nefnist Angel Has Fallen og lætur verk-
efnin sem Mike þurfti að leysa í fyrri tveimur myndunum líta út eins
og leikskólaverkefni því nú er það hann sjálfur sem er grunaður
um að hafa ætlað að myrða forsetann sem hann hefur svarið að
vernda. Þar með fær hann sína eigin leyniþjónustu á hælana og
þarf á öllu sínu að halda til að sanna að hann hafi verið leiddur í
gildru áður en það er of seint. Sem fyrr er það Gerard Butler sem
leikur Mike og í þetta sinn fær hann aðstoð frá föður sínum (Nick
Nolte) sem þrátt fyrir að vera orðinn áttræður er ekkert blávatn
þegar á reynir. Leikstjóri er Ric Roman Waugh sem síðast sendi frá
sér hina kraftmiklu og góðu mynd, Shot Caller. Sjáið stikluna! Hrollvekjuunnendur þurfa að fá sinn
skammt eins og venjulega og í ágúst
verður þeim boðið upp á nýjustu mynd
norska leikstjórans André Øvredal sem
gerði m.a. meistaraverkið Trolljegeren
árið 2010 og sendi síðast frá sér hina
mögnuðu mynd The Autopsy of Jane
Doe þar sem hann fór létt með að
senda hrollkalda strauma niður bakið
á áhorfendum án þess að notast við kvikmyndabrellur að ráði eða
blóð. Þá leið fer hann væntanlega einnig í nýju myndinni sem heitir
Scary Stories to Tell in the Dark og segir frá nokkrum unglingum sem
finna gamla bók með draugasögum og komast að því að þegar
þær eru lesnar verða þær að veruleika þeirra. Myndin er byggð á
bók eftir Alvin Schwartz og það er enginn annar en Guillermo del
Toro sem framleiðir myndina og skrifar handritið í samvinnu við
aðra. Þessi mynd gæti hæglega slegið hressilega í gegn!
Myndir mánaðarins
13