Myndir mánaðarins MM Janúar 2020 Bíóhluti | Page 18
Jojo Rabbit
ekki
Pant vera nasisti!
Jojo er tíu ára drengur í ungliðahreyfingu Adolfs Hitlers, svo-
nefndri Hitlersæsku, þar sem ungdóminum er m.a. kennt að
meðhöndla vopn og að gyðingar séu rót alls ills. Þegar Jojo,
sem á sér ímyndaðan vin að nafni Adolf, uppgötvar dag einn
að móðir hans hefur falið gyðingastelpu í húsi þeirra neyðist
hann til að endurmeta allt sem hann hefur lært um nasisma.
Jojo Rabbit er eftir nýsjálenska húmoristann Taika Waititi (Hunt for
the Wilderpeople, Thor: Ragnarok) sem byggir söguna lauslega á
skáldsögu belgíska rithöfundarins Christine Leunens, Caging Skies.
Sagan gerist undir lok síðari heimsstyrjaldarinnar og segir frá Jojo
sem býr ásamt móður sinni í ónefndri þýskri borg og dáir foringjann
umfram flesta. En þegar hann finnur gyðingastelpuna Elsu á milli
þilja á heimili sínu tekur sýn hans á lífið og tilveruna stakkaskiptum.
Leikstjóri og handritshöfundur myndarinnar, Taika Waititi, leikur hinn
ímyndaða vin Jojos, Adolf (sem er grunsamlega líkur nafna sínum
Hitler) og það er hinn ellefu ára Roman Griffin Davis sem leikur Jojo.
Þess má geta að Roman, sem hér tekst á við sitt fyrsta hlutverk, er
nú tilnefndur til Golden Globe-verðlauna fyrir leik sinn í myndinni.
Jojo Rabbit
Gamandrama / Satíra
108
mín
Aðalhlutverk: Roman Griffin Davis, Scarlett Johansson, Taika Waititi,
Sam Rockwell, Rebel Wilson, Thomasin McKenzie, Stephen Merchant,
Alfie Allen og Archie Yates Leikstjórn: Taika Waititi
Bíó: Háskólabíó, Sambíóið Álfabakka og Borgarbíó Akureyri
Frumsýnd 3. janúar
Punktar ....................................................
- Orig. Cin - USA Today 1/2 - Paste
1/2 - F. Threat 1/2 - A. Chronicle 1/2 - E.W.
1/2 - Chicago Sun-Times 1/2 - Washington Post
- Time Magazine - Time Out - CineVue
Jojo Rabbit hefur þegar hlotið mörg verðlaun, t.d. áhorfendaverð-
launin á Toronto-kvikmyndahátíðinni og verðlaun bæði bandarísku
kvikmyndastofnunarinnar (AFI) og samtaka bandarískra gagnrýn-
enda sem ein af tíu bestu myndum ársins. Myndin er nú tilnefnd til
tvennra Golden Globe-verðlauna, sem besta mynd ársins og fyrir
leik Romans Griffin Davis í aðalhlutverki, og er viðbúið að hún verði
einnig áberandi á öðrum komandi stórverðlaunahátíðum.
l
Scarlett Johansson leikur móður Jojos, hina hugrökku Rosie.
Veistu svarið?
Sú sem leikur Elsu í Jojo Rabbit, nýsjálenska leikkonan
Thomasin McKenzie, er ein þeirra sem spáð er hvað
mestum leiklistarframa á næstu árum en hún sló m.a.
rækilega í gegn í fyrra í myndinni Leave No Trace eftir
Debru Granik. Hver lék föður hennar í þeirri mynd?
Breski grínistinn Stephen Merchant er á meðal margra góðra leikara
í myndinni og fer létt með að túlka Gestapó-útsendarann Deertz.
Ben Foster.
18
Myndir mánaðarins