Myndir mánaðarins MM Desember 2019 Bíóhluti | Page 10

Bíófréttir – Væntanlegt
Paul Walter Hauser leikur Richard Jewell sem bjargaði lífi fjölda
fólks á tónleikasvæði Ólympíuleikanna í Atlanta 1996.
Dómstóll götunnar
10
March-systurnar Beth, Jo, Meg og Amy eru leiknar af Elizu
Scanlen, Saoirse Ronan, Emmu Watson og Florence Pugh.
Einstök saga
Richard Jewel er nýjasta mynd meistara
Clints Eastwood og er hún byggð á
dagsannri sögu eins og svo margar af
síðustu myndum Clints hafa gert.
Richard Jewell var öryggisvörður á
útisvæði Ólympíuleikanna í borginni
Atlanta í Georgíuríki sumarið 1996.
Þann 27. júlí var hann að sinna eftirliti
í Centennial Ólympíugarðinum þar
sem fjöldi fólks var samankominn til að
hlusta á tónleika þegar hann rak augun
í græna hermannatösku sem einhver
hafði skilið eftir við bekk sem var umkringdur fólki. Richard fylltist
strax grunsemdum um að taskan innihéldi sprengju, lét yfirmenn
sína vita og hóf síðan tafarlaust að rýma svæðið. Grunsemdir
Richards reyndust réttar og aðeins tveimur til þremur mínútum
síðar sprakk sprengjan með þeim afleiðingum að einn lést og
111 særðust. Þegar varð ljóst að ef Richard hefði ekki ákveðið
að rýma svæðið strax og beðið þess í stað eftir fyrirmælum hefði
sprengjan orðið fjölda manns að bana enda reyndist hún öflug
og var hönnuð til að drepa sem flesta. Í fyrstu var Richard hylltur
sem hetja en þegar sá grunur kviknaði að hann gæti sjálfur hafa
búið sprengjuna til og komið henni fyrir var hann færður til
yfirheyrslu. Það nægði til að virkja „dómstól götunnar“ og með
fulltingi nokkurra blaðamanna sem sannfærðust um að Richard
væri sá seki var mannorð hans troðið niður í svaðið. En Richard var
blásaklaus af verknaðinum eins og síðar átti eftir að koma í ljós.
Richard Jewell verður frumsýnd 17. janúar. Skáldsagan Little Women eftir rithöfund-
inn Louisu May Alcott (1832–1888)
kom út í tveimur bindum árin 1866 og
1869 og hefur frá upphafi og allar götur
síðan verið talin ein af meistaraverkum
bandarískra bókmennta. Sagan er um
March-fjölskylduna og þá sérstaklega
March-systurnar fjórar, Jo, Meg, Beth og
Amy, en er um leið sjálfsævisöguleg því
Louisa May byggði hana á eigin lífi og
systra sinna þriggja. Þótt þær systur væru
samrýndar voru þær ólíkar að því leyti að þær horfðu hver með
sínum augum á framtíðina. Þannig voru t.d. þær Meg og Amy vissar
um að þeim yrði best borgið með því að giftast góðum mönnum
(á ólíkum forsendum samt) á meðan Jo (sem í raun er Louisa
May) vildi skapa sér sjálfstætt líf sem væri óháð því hverjum hún
myndi svo giftast – ef hún myndi giftast. Sagan þykir gefa alveg
ómetanlega innsýn í líf milli- og yfirstéttarfólks í Bandaríkjunum á
árunum eftir bandarísku borgarastyrjöldina, er bæði áhrifarík og
ógleymanleg en inniheldur einnig mikla rómantík og húmor.
Með hlutverk systranna fara þær Saoirse Ronan, Emma Watson,
Florence Pugh og Eliza Scanlen og þau Laura Dern og Bob Oden-
kirk leika foreldra þeirra, Margaret og Robert. Meryl Streep leikur
svo föðursystur systranna og Timothée Chalamet leikur einn af
vonbiðlunum, Theodore „Laurie“ Laurence. Leikstjóri og hand-
ritshöfundur er hins vegar Greta Gerwig sem sendi síðast frá sér
hina rómuðu Lady Bird, en hún hlaut m.a. fimm tilnefningar til Ósk-
arsverðlauna og Golden Globe-verðlaunin fyrir besta leik í aðal-
hlutverki kvenna (Saoirse Ronan) og sem besta mynd ársins 2017.
Little Woman verður frumsýnd 24. janúar.
Tveir af aðalleikurum Richard Jewell, Paul Walter Hauser og Sam
Rockwell ræða hér við Clint Eastwood við tökur á myndinni. Saoirse Ronan og Timothée Chalamet leika hér saman á ný
eins og í Lady Bird sem var einnig í leikstjórn Gretu Gerwig.
Myndir mánaðarins