Myndir mánaðarins Maí 2017 tbl. 280 DVD-VOD-hluti | Page 8

Gullkorn
Langbesta ráðið við þunglyndi er
að vera í góðu formi. Endorfín er
besta þunglyndislyfið.
- Chris Pratt.
Ég upplifi alltaf eins konar móður-
lega verndartilfinningu gagnvart
persónunni sem mig langar að
leika. Ég verð alltaf hrædd um að
ef einhver önnur fær hlutverkið þá
verði hún ekki nógu góð við hana.
- Jennifer Lawrence.
Mín reynsla af því að fá starf
sem leikari í bíómynd er að það
er engan veginn nóg að hafa
hæfileika. Það er bara þriðja sætið.
Í fyrsta sæti er að vera tilbúinn til
að fá ótal nei og í öðru sæti er
að hafa áhuga og orku til halda
leitinni áfram þrátt fyrir öll nei-in.
- James Floyd.
Ég þarf ekki að leika. Ég dreg bara
fram mitt innra villidýr.
- Willem Dafoe, sem segist aldrei
hafa leikið venjulegan mann.
8
Myndir mánaðarins
Mér líður alltaf eins og ég sé
eitthvað skrítinn. Ég held ég hljóti
að vera eitthvað skrítinn.
- Sam Rockwell.
Að vera leikari er vinna. að vera
frægur er önnur vinna. Að vera
frægur leikari er allt of mikil vinna.
- Tony Curtis.
Maður sér oft vísað til þess að
einhver mynd sé nýjasta mynd
þess sem leikur í henni. En þetta
er misskilningur. Mynd er aldrei
nýjasta mynd leikarans sem leikur
í henni heldur alltaf nýjasta mynd
leikstjórans sem leikstýrði honum.
- Tim Roth.
í svona lærðum skilningi þá var
það frammistaða Daniels Day-
Lewis í In the Name of the Father
sem haft hefur mest áhrif á mig
og sýndi mér hvað hægt var að
gera. En annars er Life With Mickey
sú mynd sem kveikti neistann.
- Anna Kendrick, um hvað fékk
hana út í leiklistina.
Ég ætla ekki að fara að kvarta yfir
þeim eða klaga þá. Mér færi þá að
líða eins og ég væri bara einhver
vælukjói. En ég hendi stundum í
þá rótargrænmeti.
- Jude Law, um paparazzi-ljós-
myndara sem elta hann á röndum.
Ekki gefast upp á sjálfri þér. Ókei,
maður gerir mistök hér og mistök
þar og stundum gerir maður
of mikið og stundum of lítið en
aðalmálið er að brosa að þessu
öllu saman – og setja á sig varalit.
- Diane Keaton, að ráðleggja.
Best klædda kona allra tíma
var Díana prinsessa. Hún hafði
alveg glæpsamlega gott auga
fyrir samsetningum, var óhrædd
við að prófa nýja hluti, vera í of
stórum jakka, nota hatta.
- Rihanna, sem segir að fólk þurfi að
kunna að klæðast fötum í stað þess
að ætlast til að fötin klæði það.
Krókódíla Dundee er uppáhalds-
myndin mín. Ég sá hana a.m.k.
hundrað sinnum.
- Aaron Eckhart.
Veistu, ég hef ekki horft á margar
kvikmyndir og það þýðir ekkert að
spyrja mig út í kvikmyndasöguna.
Einu myndirnar sem ég hef t.d.
eignast eru Indiana Jones-mynd-
irnar. Einhver gaf mér þær.
- Miles Teller, spurður hver væri
uppáhaldsmynd hans.
Því fastar sem þú reynir að slá því
meiri líkur eru á því að höggið
misheppnist. Þetta gildir um allt.
- Ethan Hawke.
Ég trúi á viljastyrk, aga, skipulag,
einbeitingu, góðvilja, vinnu, ljósið
og Guð. Ég trúi því að ástin sé drif-
kraftur alls.
- Edgar Ramirez, um trú sína.
Ég hef aldrei bragðað áfengi. Það
var alkóhólismi í minni fjölskyldu
og ung að árum fannst mér svo
hræðilegt að sjá fólk breytast
svona í leiðinlegt fólk eftir að hafa
drukkið áfengi að ég ákvað djúpt
innra með mér að það myndi
aldrei gerast hjá mér.
- Bryce Dallas Howard.