Myndir mánaðarins Maí 2017 tbl. 280 bíóhluti | Page 30

Unlocked
Hver einasta mínúta gæti orðið sú síðasta
Þegar yfirheyrslusérfræðingurinn Alice Racine, sem vinnur
fyrir CIA en er líka með tengsl við yfirmenn bresku leyniþjón-
ustunnar, er kölluð til að yfirheyra meintan hryðjuverkamann
áttar hún sig ekki fyrr en of seint á því að yfirheyrslan er í raun
gildra, sett á svið til að veiða upplýsingar upp úr henni sjálfri.
Þannig hefst njósnatryllirinn Unlocked eftir enska leikstjórann
Michael Apted sem á langan feril og margar góðar myndir að baki
eins og t.d. Coal Miner's Daughter, Gorky Park, Gorillas in the Mist,
Blink, Nell, Extreme Measures, Enigma og The Chronicles of Narnia:
The Voyage of the Dawn Treade svo einhverjar séu nefndar.
Eftir að Alice áttar sig á að hún hefur verið leidd í gildru og í raun
gefið hryðjuverkamönnum mikilvægar upplýsingar í stað þess að
afla þeirra eins og starf hennar snýst um áttar hún sig um leið á því
að í bígerð er að gera sýklavopnaárás á London sem myndi hafa
skelfilegar afleiðingar í för með sér. Þá áætlun verður að stöðva en
vandamálið er að nú veit Alice ekki lengur hverjum hún getur treyst.
Unlocked
Noomi Rapace leikur yfirheyrslusérfræðinginn Alice Racine
sem kemst á snoðir um áætlun um að gera sýklavopnaárás
á London og á eftir það fullt í fangi með að halda lífi.
Spennumynd
98
mín
Aðalhlutverk: Noomi Rapace, Orlando Bloom, Michael Douglas,
Toni Collette og John Malkovich Leikstjórn: Michael Apted
Bíó: Smárabíó, Háskólabíó, Laugarásbíó, Borgarbíó Akureyri og
Selfossbíó
Frumsýnd 26. maí
Punktar ....................................................
Handrit Unlocked er eftir Peter O'Brien og var árið 2008 á svarta
listanum í Hollywood yfir áhugaverðustu ókvikmynduðu handritin.
l
Myndin inniheldur nokkur hörkugóð slagsmálaatriði og við tökur
á einu þeirra fékk Noomi Rapace vænt högg með þeim afleið-
ingum að hún nefbrotnaði og vankaðist um leið. Eftir að hafa
jafnað sig og í ljós kom að henni hafði ekki orðið meira meint af
högginu en að nefbrotna héldu tökur áfram eins og ekkert hefði í
skorist og hún lét ekki laga brotið fyrr en eftir að þeim lauk.
l
Michael Douglas er í einu af þremur stærstu aukahlutverkunum í
myndinni en í hinum eru þau Toni Collette og John Malcovich.
Veistu svarið?
Eins og margir vita ólst leikkonan Noomi Rapace
upp á Íslandi til fimmtán ára aldurs þegar hún flutti
til Svíþjóðar en leiklistaráhugi hennar kviknaði þeg-
ar hún lék lítið hlutverk í íslenskri mynd árið 1987,
átta ára gömul. Hvaða mynd er um að ræða?
Orlando Bloom leikur fyrrverandi sérsveitarmann sem býðst
til að aðstoða Alice, en hún á erfitt með að treysta honum.
Í skugga hrafnsins.
30
Myndir mánaðarins