Myndir mánaðarins Maí 2017 tbl. 280 bíóhluti

King Arthur: Legend of the Sword Finndu kraftinn Hin kynngimagnaða saga af hinum muðaðarlausa Artúri sem var sviptur arfleifð sinni sem réttborinn konungur Englands þegar hinn illi og göldrótti Vortigern myrti föður hans Uther og rændi völdunum. En sannleikurinn á eftir að koma í ljós þegar Artúri tekst fyrstum manna að draga sverðið úr stein- inum og sanna um leið fyrir öllum hver hann er í raun og veru. Stórmyndin King Arthur: Legend of the Sword verður frumsýnd um allan heim 10. maí en hún er byggð á upphafi þjóðsögunnar um Artúr Englandskonung sem ásamt liðsmönnum sínum, þar á meðal nokkrum tilvonandi riddurum hringborðsins, þurfti að heyja harða, viðburðaríka og vægast sagt tvísýna baráttu við hinn rammgöldrótta Vortigern og illþýðið í kringum hann til að endur- heimta Englandskrúnuna sem var Artúrs með réttu. Myndin er ein dýrasta mynd ársins enda var ekkert til sparað við gerð hennar og ætti að vera óhætt að lofa kvikmyndahúsagestum að hér sé á ferð- inni frábær skemmtun sem svíkur engan sannan ævintýraunnanda. King Arthur: Legend of the Sword Með því að draga sverðið úr steininum sannar alþýðumaðurinn Artúr að hann er hinn réttborni konungur Englands. Þar með verður ekki aftur snúið. Það er Charlie Hunnam sem fer með hlutverk Artúrs. Ævintýri 126 mín Aðalhlutverk: Charlie Hunnam, Jude Law, Annabelle Wallis, Àstrid Bergès-Frisbey, Djimon Hounsou, Eric Bana, Hermione Corfield og Mikael Persbrandt Leikstjórn: Guy Ritchie Bíó: Sambíóin Álfabakka, Kringlunni, Egilshöll, Akureyri og Keflavík, Smárabíó, Selfossbíó, Ísafjarðarbíó, Bíóhöllin Akranesi, Króksbíó og Skjaldborgarbíó Frumsýnd 10. maí Punktar .................................................... Í aukahlutverkum myndarinnar eru margir þekktir leikarar og einn þeirra er enginn annar en David Beckham sem hér leikur í sinni annarri mynd, en hann lék eins og kunnugt er einnig í síðustu mynd Guys Ritchie, The Man from U.N.C.L.E. Hermt er að hlutverk hans hér sem stríðsmanns og forystusauðs „Blackleg“-manna sé talsvert stærra en í þeirri mynd og samkvæmt nokk- uð áreiðanlegum heimildum er persóna hans ein þeirra fjölmörgu sem gera tilraun til að draga sverðið úr steininum á undan Artúri. l Jude Law leikur óþokkann Vortigern sem myrti föður Artúrs, sölsaði undir sig konungdæmið og hefur síðan ríkt með ógn og harðræði. Veistu svarið? King Arthur: Legend of the Sword er níunda bíómynd Guys Ritchie og um leið sú dýrasta, en nítján ár eru nú liðin síðan hann sendi frá sér sína fyrstu mynd og sló svo hressilega í gegn með henni að hvellurinn heyrist enn. Hvað hét myndin? Lock, Stock and Two Smoking Barrels. 22 Myndir mánaðarins Djimon Houn

Myndir mánaðarins Maí 2017 tbl. 280 bíóhluti | Page 22