Myndir mánaðarins Maí 2017 tbl. 280 bíóhluti | Page 18

Bíófréttir – Væntanlegt
Aðsóknarmet slegið
Vin Diesel tekur hér glaðhlakkalegur á svip sjálfu af sér og
meðleikkonu sinni í Fast & Furious-seríunni, Michelle Rod-
riguez, fyrir utan kvikmyndahús í New York 11. apríl þegar
myndin var frumsýnd, en eins og sjá má á skiltinu fyrir aftan
þau heitir hún The Fate of the Furious í Bandaríkjunum.
Sennilega hefur Vin síðan ekki brosað minna dagana á
eftir þegar í ljós kom að þessi áttunda mynd seríunnar sló
aðsóknarmet á sinni fyrstu sýningarhelgi þegar hún halaði
inn 532,5 milljónir dollara í aðgöngumiðasölu. Þar með sló
hún fyrra met sem Star Wars: The Force Awakens átti, en það
hljóðaði upp á 529 milljónir dollara. Þess má geta að The
Force Awakens hafði slegið út aðsóknarmet Jurassic World
sem var 525,5 milljónir dollara á fyrstu sýningarhelgi, en
hún hafði slegið út Harry Potter-myndina The Deathly
Hallows Part 2 sem halaði inn 483,5 milljónir dollara árið
2011. Metin hafa því fallið óvenju hratt að undanförnu,
sem eru auðvitað góðar fréttir fyrir kvikmyndaiðnaðinn.
Margir hafa hins vegar velt því fyrir sér hvers vegna Fast &
Furious-serían nýtur slíkra ofurvinsælda sem raun ber vitni.
Verður þar fátt um svör önnur en þau að fyrir utan að svona
seríur laða að sér sömu áhorfendurna aftur og aftur sem eru
farnir að þekkja persónurnar svo vel að bíóferðin er að sumu
leyti eins og heimsókn til vina, þá finnst bara svo mörgum
gaman að góðum hasar og áhættuatriðum að kröfur um
raunsæi víkja fyrir skemmtanagildinu. Ætli lokaniðurstaðan
sé því ekki þegar allt kemur til alls sú ofureinfalda skýring að
Fast & Furious 8 er bara svona fjári skemmtileg mynd.
Alltaf á fullu
Eins og lesendur blaðsins sjá hér framar í blaðinu er stórmyndin
The Mummy með Tom Cruise í aðalhlutverki væntanleg í bíó í
júní og bíða aðstandendur hennar vafalaust spenntir eftir að sjá
hvernig móttökurnar verða enda mikið í hana lagt og því mikið
undir. Margt kvikmyndaáhugafólk bíður líka spennt, sér í lagi
hörðustu aðdáendur Toms sem finnst hann alltaf góður í hverju
því hlutverki sem hann tekur að sér. Eftir 36 ár í bransanum þar
sem hann hefur verið á fullu nánast allan tímann veit Tom hins
vegar sjálfur eins og er að hans hlutverki í myndinni er lokið og
ekkert annað að gera fyrir hann en að einbeita sér að næstu
verkefnum, sem eru næg. Strax eftir að hafa lokið við leik í The
Mummy sneri hann sér því að leik í nýjustu mynd leikstjórans
Dougs Liman, American Made, þar sem hann leikur Barry Seal,
en sá starfar fyrir CIA við að klófesta eiturlyfjainnflytjendur í
Suðurríkjum Bandaríkjanna. Búast má við góðri mynd enda
er Doug Liman þekktur fyrir gæði og gerði m.a. myndina Edge
of Tomorrow sem Tom lék aðalhlutverkið í, og mun næst gera
myndina Luna Park, sem verður einnig með Tom í aðalhlutverki.
Eftir American Made sneri Tom sér hins vegar rakleitt að gerð
sjöttu Mission Impossible-myndarinnar og við tökur á henni urðu
Parísarbúar öðrum fremur áþreifanlega varir enda voru nokkur
atriði hennar tekin upp við og í grennd við Champs-Élysées-
breiðstrætið þar sem Sigurboginn er, þ. á m. fyrir framan verslun
Marks & Spencer sem stendur einmitt við Champs-Élysées. Þar
þeysti Tom m.a. um á kraftmiklum mótorfák í byrjun apríl og var
meðfylgjandi mynd tekin við það tækifæri. Mission Impossible 6
verður ef allt gengur upp einn af sumarsmellunum á næsta ári.
18
Myndir mánaðarins