Myndir mánaðarins Mars 2018 tbl. 290 Bíóhluti | Page 30
Ready Player One
Eruð þið tilbúin?
Ready Player One er nýjasta mynd Stevens Spielberg en hún
er gerð eftir geysivinsælli verðlauna- og metsölubók Ernest
Cline. Þetta er einstaklega frumlegt og viðburðaríkt ævintýri
og vísindaskáldsaga sem gerist að mestu í hinni stórfenglegu
tölvuveröld Oasis þar sem fjölmargir þekktir karakterar búa.
Ready Player One gerist árið 2045 þegar alvarlegur orkuskortur og
loftslagsbreytingar hafa haft neikvæð áhrif á líf flestra jarðarbúa.
Við kynnumst hér hinum unga Wade Watts sem eins og milljónir
annarra býr við kröpp kjör í Oklahómaborg. Til að gefa hversdagslífi
sínu tilgang flýr Wade ásamt öllum öðrum sem það geta inn í tölvu-
veröldina Oasis eins oft og hann getur og leitar þar m.a. vísbend-
inga um hvar skapari Oasis, James Halliday sem lést fimm árum
fyrr, hafi falið svokallað „páskaegg“, en James hafði lofað þeim sem
fyndi það fullum yfirráðum yfir Oasis og öllum sínum eigum sem
eru metnar á 500 milljarða dollara. Til að finna eggið þarf samt
fyrst að finna vísbendingarnar sem eru í formi þriggja „lykla“.
Dag einn uppgötvar Wade, sem notar nikkið Parzival þegar hann
er í Oasis-heiminum, hvar fyrsta lykilinn að leyndardóminum er að
finna. Upp frá því breytist líf hans og tilvera hans algjörlega og á
þann hátt sem hann hefði sjálfur aldrei getað ímyndað sér ...
Ready Player One
Ævintýri / Vísindaskáldsaga
139
mín
Aðalhlutverk: Tye Sheridan, Olivia Cooke, Ben Mendelsohn, Simon
Pegg, T.J. Miller, Hannah John-Kamen, Mark Rylance, Letitia Wright
og Lena Waithe Leikstjórn: Steven Spielberg Bíó: Sambíóin Álfa-
bakka, Egilshöll, Kringlunni, Akureyri og Keflavík, Laugarásbíó,
Selfossbíó, Ísafjarðarbíó, Bíóhöllin Akranesi, Eyjabíó, Króksbíó og
Skjaldborgarbíó
Frumsýnd 28. mars
Tye Sheridan leikur Wade Watts, öðru nafni Parzival, sem fyrstur upp-
götvar hvar fyrsta lykilinn að hinu verðmæta „páskaeggi“ er að finna.
Punktar ....................................................
Eins og gefur að skilja er stór hluti Ready Player One tölvuteiknaður
annars vegar og hins vegar gerður með svokallaðri „stop-motion“-
tækni. Af þessum sökum tók eftirvinnsla hennar mun lengri tíma
en upptökur á leiknu atriðunum, en þeim var löngu lokið þegar
Steven Spielberg byrjaði á sinni næstu mynd, The Post, sem þó
hefur þegar verið frumsýnd. Hermt er að Ready Player One sé
tæknilegt meistaraverk og stórkostleg veisla fyrir augu og eyru.
l
Ben Mendelsohn leikur „vonda kallinn“ í myndinni, hinn gráðuga
Nolan sem er staðráðinn í að komast yfir Oasis með öllum ráðum.
Veistu svarið?
Segja má að ferill hins 21 árs gamla Tyes Sheridan
hafi farið á flug strax í upphafi þegar hann lék í
myndunum Tree of Life, Mud og Joe. Síðan hefur
hann leikið í mörgum myndum, þ. á m. einn af
X-mönnunum í myndinni X-Men: Apocalypse. Hvern?
Í myndinni koma fram fjölmargir karakterar úr öðrum myndum og
leikjum, þ. á m. úr Járnrisanum, Nightmare on Elm Street, TRON, LOTR,
King Kong, Back to the Future, Tomb Raider og mörgum fleiri sögum.
Scott Summers / Cyclops.
30
Myndir mánaðarins