Myndir mánaðarins Desember 2017 tbl. 287 DVD-VOD | Page 40
Stronger
Áföllin breyta okkur
Sönn saga Jeffs Bauman sem missti báða fætur þegar hryðju-
verkamenn sprengdu tvær sprengjur við endalínu Boston-
maraþonhlaupsins þann 15. apríl 2013 og þurfti í framhald-
inu að takast á við gjörbreyttar aðstæður í lífi sínu.
Þegar Jeff Bauman rankaði við sér á sjúkrahúsi og gerði sér grein
fyrir hvað hafði gerst bað hann um blað og penna þar sem átti
óhægt um mál og skrifaði: „Sá manninn. Hann horfði beint á mig.“
Þessi orð hjálpuðu lögreglunni að komast á slóð ódæðismannanna
tveggja sem frömdu hryðjuverkið fyrr en ella og var Jeff í kjölfarið
hylltur sem hetja. Sú skyndifrægð og sviðsljósið ofan í þau sár sem
hann glímdi við á líkama og sál lagðist hins vegar þungt á hann til
að byrja með og gerði honum erfitt fyrir að ná áttum og vinna sig
út úr efiðleikunum sem framundan voru við að ná sér eftir áfallið.
Í þessari frábæru og áhrifaríku mynd sem allir ættu hiklaust að sjá
er farið afar vel yfir það sem gerðist næst í lífi Jeffs og hans nánustu,
en saga þeirra kemur þeim sem ekki þekkja til verulega á óvart ...
Stronger
Sannsögulegt
Jake Gyllenhaal sýnir hreint út sagt frábæran leik í aðalhlutverki
Stronger og er spáð Óskarsverðlaunatilnefningu fyrir vikið.
119
VOD
mín
Aðalhlutv.: Jake Gyllenhaal, Tatiana Maslany, Miranda Richardson,
Clancy Brown, Richard Lane, Frankie Shaw, Nate Richman og Patty
O’Neil Leikstjórn: David Gordon Green Útgefandi: Myndform
22. desember
Punktar ....................................................
HHHH 1/2 - E.W. HHHH 1/2 - R. Stone HHHH - Indiewire
HHHH 1/2 - C. Sun-Times HHHH - N.Y. Times HHHH - Time
HHHH - L.A. Times HHHH - Variety HHHH - Guardian
HHHH - Hollywood Reporter HHHH - Wall Street Journal
Myndin er byggð á samnefndri metsölubók sem Bret Witter skrif-
aði eftir frásögn Jeffs Bauman og kom út í apríl 2014.
l
Leikstjóri myndarinnar, David Gordon Green, er fyrir löngu orðinn
þekktur fyrir sínar mörgu gæðamyndir í gegnum árin en á meðal
þeirra má nefna George Washington, All the Real Girls, Snow Angels
og Prince Avalanche (sem hann gerði eftir íslensku myndinni Á
annan veg), og grínmyndirnar Your Highness og Pineapple Express.
l
Stronger er ákaflega vel gerð og raunsönn mynd en hún var unnin í
nánu samstarfi við bæði aðal- og aukapersónur hennar og eru allar
sviðsetningar eins nálægt raunveruleikanum og hægt var að komast.
Veistu svarið?
Eins og kemur fram í myndartexta hér til hægri er
Jake Gyllenhaal spáð Óskarsverðlaunatilnefningu
fyrir hlutverk sitt í Stronger, en Jake hefur einu sinni
áður verið tilnefndur. Það var fyrir hlutverk í mynd
sem Ang Lee sendi frá sér árið 2005. Hvaða mynd?
Jake Gyllenhaal ásamt fyrirmyndinni Jeff Bauman, leikstjóranum
David Gordon Green og Tatiönu Maslany sem leikur unnustu Jeffs.
Brokeback Mountain.
40
Myndir mánaðarins