Pitch Perfect 3
Hinn eini sanni samhljómur
Eftir að hafa útskrifast hafa skólasysturnar og vinkonurnar sem skipuðu sönghópinn Bellurnar tvístrast og reyna nú að standa sig hver í sínu lagi á hinum almenna vinnumarkaði . Þær sakna þó allar gamla tímans og þegar þær fá óvænt tækifæri til að taka þátt í söngkeppni á Spáni slá þær til .
Bíómyndin Pitch Perfect sló óvænt í gegn árið 2012 , enda laufléttur og ærslafullur farsi sem gekk fullkomlega upp í bland við frábær söngatriði og tónlist sem naut mikilla vinsælda . Það kom því engum á óvart að mynd númer tvö yrði gerð eftir sömu uppskrift árið 2015 og svo fór að hún varð tvöfalt vinsælli en sú fyrsta . Þegar það var orðið ljóst var ákveðið að slá til í þriðju myndina sem nú er tilbúin og verður ein af jólamyndum ársins , frumsýnd á annan dag jóla .
Sagan hefst eftir að elstu Bellurnar hafa lokið námi og eru komnar í ýmis og fjölbreytt störf út um hvippinn og hvappinn . Þær eru misánægðar með það líf og sakna allar sem ein hver annarrar og að sjálfsögðu lífsins með sönghópnum sem vann m . a . það afrek að verða heimsmeistarar í söng og sviðsframkomu án hljóðfæra .
Dag einn fá þær tækifæri til að hittast á ný og það er ekki að spyrja að því að ein þeirra hefur komist á snoðir um söngkeppni á Spáni sem þeim býðst að taka þátt í . Það þarf ekki að nefna þetta tvisvar og áður en varir er hópurinn kominn til Spánar þar sem þeirra bíður erfiðasta keppnin til þessa því í þetta sinn er sönghópunum sem keppa leyft að koma með hljóðfæri og nota þau á sviðinu ...
Pitch Perfect 3
Gamanmynd / Tónlist
?? mín
Aðalhlutverk : Anna Kendrick , Hailee Steinfeld , Rebel Wilson , Ruby Rose , Elizabeth Banks , Brittany Snow , Anna Camp , Matt Lanter , John Michael Higgins og Alexis Knapp Leikstjórn : Trish Sie Bíó : Laugarásbíó , Smárabíó , Háskólabíó , Sambíóið Keflavík og Borgarbíó Akureyri
Frumsýnd 26 . desember
Amy reynir hér að hugga Becu sem leiðist svo í hversdagsvinnunni að hún ákveður að segja upp og láta sér frekar leiðast heima í staðinn .
Punktar .................................................... l Flestar leikkonurnar úr fyrri myndunum mæta til leiks á ný í þessari og eins og í mynd tvö eru nýir sönghópar kynntir til sögunnar sem óhætt er að segja að séu hver öðrum betri , enda var lögð áhersla á að gera sviðs- og söngatriðin í Pitch Perfect 3 þau bestu hingað til .
Að sjálfsögðu fylgjast þau John og Gail með öllu sem gerist en þau eru sem fyrr leikin af John M . Higgins og Elizabeth Banks .
Veistu svarið ? Ein af þeim sem snúa hér til baka er leikkonan Hailee Steinfeld sem var tilnefnd í fyrra til Golden Globeverðlaunanna fyrir leik sinn í The Edge of Seventeen og á það afrek að baki að hafa verið tilnefnd til Óskarsverðlauna fyrir sína fyrstu mynd . Hvaða mynd ?
28 Myndir mánaðarins
True Grit .