Myndir mánaðarins Desember 2017 tbl. 287 Bíó

Jumanji: Welcome to the Jungle Lifðu þig inn í leikinn Þegar þau Spencer, Bethany, Fridge og Martha eru látin sitja eftir í skólanum rekast þau á gamla leikjatölvu í kjallaranum og leik sem þau hafa aldrei heyrt minnst á áður, Jumanji. Þau ákveða að prófa að spila – og sogast bókstaflega inn í leikinn. Grín-, hasar- og ævintýramyndin Jumanji: Welcome to the Jungle á áreiðanlega eftir að reynast hressandi og fyndin skemmtun en hún er ein þriggja nýrra mynda sem frumsýndar verða á annan dag jóla, þriðjudaginn 26. desember. Þetta er sjálfstætt framhald myndarinn- ar Jumanji frá árinu 1995 sem var aftur byggð á samnefndri bók rithöfundarins Chris Van Allsburg. Í henni var Jumanji borðspil en hefur hér þróast yfir í að vera tölvuleikur með þá stórfurðulegu hliðarverkun að um leið og spilendur byrja að spila hverfa þeir inn í tölvuna og leikinn og breytast í karakterana sem þeir spila með. Eftir að þau Spencer, Bethany, Fridge og Martha átta sig á hvað hefur gerst og komast yfir mesta áfallið og undrunina uppgötva þau að eina leiðin fyrir þau að snúa aftur til raunveruleikans er að sigrast á andstæðingum sínum og forðast að verða drepin af einhverju af villtu dýrunum sem eru úti um allt í hinni ævintýralegu opnu veröld leiksins – áður en þau klára lífin þrjú sem þau hafa úr að spila! Jumanji: Welcome to the Jungle Ævintýri / Gamanmynd Nick Jonas leikur hinn dularfulla bjargvætt Alex, en í aðalhlutverkunum fjórum eru Dwayne Johnson, Karen Gillan, Jack Black og Kevin Hart. 118 mín Aðalhlutverk: Dwayne Johnson, Jack Black, Kevin Hart, Karen Gillan, Bobby Cannavale, Alex Wolff, Tim Matheson og Nick Jonas Leikstjórn: Jake Kasdan Bíó: Smárabíó, Háskólabíó, Laugarásbíó, Borgarbíó Akureyri, Selfossbíó, Skjaldborgarbíó, Ísafjarðarbíó, Króksbíó, Bíóhöllin Akranesi og Eyjabíó Frumsýnd 26. desember Punktar .................................................... Eins og kemur fram hér fyrir ofan er þessi mynd sjálfstætt fram- hald af Jumanji frá árinu 1995 en í henni fór Robin Williams heitinn með stærsta hlutverkið ásamt þeim Kirsten Dunst og Jonathan Hyde. Í henni hafði karakter Robins, Alan Parrish, fest inni í leikn- um og í nýju myndinni má sjá skýrar vísbendingar um veru hans í honum, Robin til heiðurs og til minningar um þann frábæra leikara. l Leikstjóri myndarinnar er Jake Kasdan sem sló í gegn ungur að árum árið 1998 með myndinni Zero Effect og hefur síðan m.a. gert myndirnar Orange County, Bad Teacher og núna síðast Sex Tape. l Sá hluti myndarinnar sem gerist í raunheimum gerist í sama bæ og fyrri myndin, þ.e. í Bratford í New Hampshire. l Fjórmenningarnir lenda í ýmsum vandræðum í Jumanji-leiknum. Veistu svarið? Þetta er í annað sinn á tiltölulega skömmum tíma sem þeir Dwayne Johnson og Kevin Hart leika sam- an en það gerðu þeir einnig í gamanmynd sem var frumsýnd í júní í fyrra og var leikstýrt af Rawson Marshall Thurber. Hvaða mynd var það? Central Intelligence. 26 Myndir mánaðarins

Myndir mánaðarins Desember 2017 tbl. 287 Bíó | Page 26