Myndir mánaðarins Desember 2016 tbl. 27-1 DVD-hluti

Bridget Jones’s Baby Lífið er til þess að flækja það Sagan um hina skemmtilegu en seinheppnu Bridget Jones heldur hér áfram, en hún er nú komin á fimmtugsaldurinn og er á milli manna ef svo má segja því sambandið við Mark Darcy hefur verið losaralegt um leið og hún hefur kynnst nýjum manni, hinum heillandi draumaprinsi Jack Qwant. Eins og í fyrri myndunum um Bridget Jones er það húmor og rómantík sem ræður ríkjum í lífi og starfi Bridgetar þótt alvaran sé auðvitað aldrei langt undan. Þegar hún verður nú ófrísk af sínu fyrsta barni kemur hins vegar í ljós að karlamálin eru þannig vaxin að hún veit ekki hvor er faðirinn, Mark Darcy eða Jack Qwant ... Bridget Jones er alltaf viðbúin en um leið alltaf frekar seinheppin. Punktar .................................................... Bridget Jones’s Baby HHHH1/2 - Village Voice HHHH - Entertainment Weekly HHHH - L.A. Times HHHH - Time Out HHHH - Empire HHHH - Total Film HHH1/2 - R. Stone HHH1/2 - R.Ebert Gamanmynd 123 DVD mín Aðalhlutverk: Renée Zellweger, Patrick Dempsey, Colin Firth, Emma Thompson, Shirley Henderson, Sally Phillips, Gemma Jones og Jim Broadbent Leikstjórn: Sharon Maguire Útgefandi: Myndform 15. desember Þrátt fyrir að Bridget Jones’s Baby sé þriðja myndin um Bridget Jones þá er hún ekki byggð á þriðju bókinni um hana, Bridget Jones: Mad About the Boy, heldur skrifaði rithöfundurinn Helen Fielding þessa sögu sérstaklega til kvikmyndagerðar. Hún á í raun að gerast árið 2010, áður en atburðirnir í þriðju bókinni gerðust. l Sharon Maguire, sem leikstýrir þessari mynd, leikstýrði einnig fyrstu myndinni sem var frumsýnd 2001 og sló hressilega í gegn. l Tónlistarmaðurinn vinsæli, Ed Sheeran, kemur fram í smáhlutverki í myndinni og leikur hér um leið í sinni fyrstu bíómynd. l Bridget Jones’s Baby er fyrsta myndin sem Renée Zellweger leikur í í sex ár, en hún lék síðast í myndinni My Own Love Song árið 2010. l Renée Zellweger, Patrick Dempsey og Colin Firth leika aðalhlutverkin. Veistu svarið? Þótt Patrick Dempsey eigi rúmlega fjörutíu ára leikferil að baki má segja að honum hafi ekki skotið upp á stjörnuhimininn fyrr en hann byrjaði að leika Derek Shepherd í þekktri sjónvarpsseríu árið 2005. Hvaða seríu? Þar sem það er ekki ljóst hvor er faðirinn, Jack Qwant eða Mark Darcy, þá er spenna í loftinu þegar kemur að fæðingunni sjálfri. Grey's Anatomy. 30 Myndir mánaðarins

Myndir mánaðarins Desember 2016 tbl. 27-1 DVD-hluti | Page 30