Myndir mánaðarins Desember 2016 tbl. 27-1 Bíóhluti | Page 34

Passengers
Ekkert gerist að ástæðulausu
Risageimferja er að flytja þúsundir manna til plánetu í fjarlægu
sólkerfi þegar bilun í svefnbúnaði veldur því að tveir af farþegunum, þau James Preston og Aurora Lane, vakna af dásvefninum sem þau áttu að vera í, níutíu árum á undan áætlun.
Passengers er nýjasta mynd norska meistaraleikstjórans Mortens
Tyldum sem gerði myndirnar Buddy, Varg Veum-Falne engler, Hodejegerne og nú síðast hina margföldu verðlaunamynd The Imitation
Game. Myndin er gerð eftir sögu og handriti Jons Spaihts (Prometheus, Doctor Strange), en það handrit var árið 2007 á svarta listanum svokallaða í Hollywood yfir áhugaverðustu ókvikmynduðu
handritin og má því segja að myndin hafi verið í bígerð í heil níu ár.
Eftir að þau James og Aurora vakna og átta sig á því að þeim mun
ekki takast að falla í dásvefn á ný blasir við að þau þurfi að eyða því
sem eftir er ævinnar í félagsskap hvors annars um borð í ferjunni
enda er um ekkert annað að velja í stöðunni. Eða hvað?

Passengers

Eftir að þau James og Aurora komast yfir mesta áfallið yfir því að hafa
vaknað átta þau sig á því að það eina sem þau hafa er hvort annað.

Vísindaskáldsaga/Ævintýri
116
mín

Aðalhlutverk: Jennifer Lawrence, Chris Pratt, Michael Sheen, Andy
Garcia, Laurence Fishburne, Kimberly Battista og Aurora Perrineau
Leikstjórn: Morten Tyldum Bíó: Smárabíó, Háskólabíó, Laugarásbíó,
Borgarbíó, Selfossbíó, Skjaldborgarbíó, Bíóhöllin, Króksbíó og
Ísafjarðarbíó

Frumsýnd 26. desember

Veistu svarið?
Jennifer Lawrence lét hafa eftir sér í viðtali að
fyrir sig hafi erfiðasta atriði myndarinnar verið
ástaratriði því það hefði verið í fyrsta sinn sem
hún kyssti kvæntan mann, en eiginkona Chris
Pratt er þekkt leikkona. Hvað heitir hún?
Myndir mánaðarins

Eins og oft í tilfellum mynda sem fela í sér óvænta fléttu eru þeir
áhorfendur sem sjá myndina í fyrra fallinu vinsamlegast beðnir að
segja ekki þeim sem eiga eftir að sjá hana um hvað fléttan snýst.
l

Upphaflega stóð til að Passengers yrði gerð með Keanu Reeves í
hlutverki James Preston enda var kvikmyndarétturinn í höndum
framleiðslufyrirtækis hans fyrstu árin. Vegna anna Keanus við
önnur verkefni dróst kvikmyndun Passengers hins vegar stöðugt
og það var ekki fyrr en Sony-fyrirtækið keypti réttinn sumarið 2015
og réð Morten Tyldum sem leikstjóra að skriður komst á málið.
l

Eða hvað? Getur verið að hér búi eitthvað annað að baki en sýnist?
Svarið er já, og á eftir að koma bæði þeim og áhorfendum á óvart.
Anna Faris.

34

Punktar ....................................................