Myndir mánaðarins Desember 2016 tbl. 27-1 Bíóhluti | Page 32

Syngdu
Kepptu með öllu hjartanu
Kóalabjörninn Buster þarf að finna einhver ráð til að bjarga
leikhúsinu sínu frá því að þurfa að loka endanlega og fær þá
snilldarhugmynd að efna til söngvakeppni dýranna í bænum.
Syngdu er nýjasta myndin frá teiknimyndafyrirtækinu Illumination
sem stóð að baki myndunum um hinn vonda, en samt ágæta Gru,
litlu gulu skósveinana og leynilíf gæludýranna. Eins og í þeim tilfellum
er það húmorinn sem er í fyrirrúmi en í myndinni er líka að finna
mörg heimsfræg lög sem sungin eru af innlifun í söngvakeppninni
sem allt snýst um. Þetta er jólamynd ársins fyrir alla fjölskylduna.
Syngdu verður bæði sýnd með íslenskri talsetningu úrvalsleikara og
söngvara og í ensku útgáfunni þar sem margir af toppleikurum
Bandaríkjanna sýna sönghæfileika sína svo um munar. Aðalatriðið er
þó að Syngdu er mynd sem fær áhorfendur til að hlæja sig máttlausa!

Syngdu
Teiknimynd

110
mín

Íslensk talsetning: Rúnar Freyr Gíslason, Stefanía Svavarsdóttir,
Unnsteinn Manúel Stefánsson, Salka Sól Eyfeld, Eyþór Ingi Gunnlaugsson, Edda Björgvinsdóttir, Ævar Þór Benediktsson, Sigríður
Eyrún Friðriksdóttir, Bryndís Ásmundsdóttir, Orri Huginn Ágústsson,
Steinn Ármann Magnússon, Hjálmar Hjálmarsson, Valdimar
Flygenring, Laddi og fleiri Leikstjórn: Hjálmar Hjálmarsson
Bíó: Laugarásbíó, Smárabíó, Háskólabíó, Sambíóið Álfabakka og
Borgarbíó Akureyri

Frumsýnd 26. desember

32

Myndir mánaðarins