Myndir mánaðarins Desember 2016 tbl. 27-1 Bíóhluti

Underworld: Blood Wars Þessari styrjöld verður að ljúka! Vampíru- og varúlfabaninn Selena, sem sjálf er vampíra gædd yfirnáttúrulegum kröftum og hæfileikum, sver þess eið ásamt sínum helsta bandamanni, David, og föður hans Thomasi, að ganga endanlega á milli bols og höfuðs á gjörvallri varúlfaættinni, ófreskjunum sem þeim fylgja og vampírunum sem sviku hana, jafnvel þótt það geti kostað hana sjálfa lífið. Blood Wars er eins og flestir vita fimmta myndin í Underworldævintýraseríunni þar sem varúlfar og vampírur berjast um yfirráðin í undirheimunum ásamt ýmsum forynjunum í liðum beggja og svo auðvitað vampírunni Selenu sem Kate Beckinsale leikur hér á ný og er staðráðin í að ljúka styrjöldinni í eitt skipti fyrir öll um leið og hún leitar hefnda gegn þeim sem myrtu fjölskyldu hennar. En baráttan um völdin og yfirráðin snýst ekki bara um þau heldur vilja bæði varúlfarnir og ákveðnar vampírur komast yfir blóð Selenu svo þeir geti skapað ný og nánast ósigrandi eintök af sjálfum sér. Takist þeim það er úti um Selenu og hennar bandamenn ... Underworld: Blood Wars Spennumynd/Ævintýri Vampíru- og varúlfabaninn Selena er ákveðin í að sigra í stríðinu en til að svo megi verða þarf hún nú að ganga beint inn í greni óvinanna. 91 mín Aðalhlutverk: Kate Beckinsale, Theo James, Lara Pulver, Charles Dance, Tobias Menzies, Alicia Vela-Bailey og James Faulkner Leikstjórn: Anna Foerster Bíó: Smárabíó, Háskólabíó, Borgarbíó, Selfossbíó, Skjaldborgarbíó, Bíóhöllin, Króksbíó og Ísafjarðarbíó Frumsýnd 2. desember Veistu svarið? Breska leikkonan Kate Beckinsale lék í fyrstu Underworld-myndinni árið 2003 og hitti þá um leið höfund sögunnar sem jafnframt var leikstjóri myndarinnar. Svo fór að þau Kate gengu í hjónaband ... en hvað heitir maðurinn? Myndir mánaðarins Fyrsta Underworld-myndin var fumsýnd árið 2003 og sú næsta, Underworld: Evolution árið 2006. Þriðja myndin, Underworld: Rise of the Lycans kom í bíó 2009 og sú fjórða, Awakening, árið 2012. Hver þessara mynda var gerð fyrir tæplega fimmtíu milljónir dollara að meðaltali en þær hafa nú samtals halað inn meira en fimm hundruð milljónir dollara í kvikmyndahúsum heimsins. Þess má geta að Underworld: Blood Wars verður víðast hvar ekki frumsýnd fyrr en eftir áramót, þ. á m. í Bandaríkjunum og Bretlandi, og eru íslenskir aðdáendur seríunnar því á meðal þeirra fyrstu sem fá að sjá hana. Eins og í mynd fjögur, Awakening, leikur Theo James vampíruna David, sem ásamt föður sínum er helsti bandamaður Selenu. Len Wiseman. 22 Punktar .................................................... l

Myndir mánaðarins Desember 2016 tbl. 27-1 Bíóhluti | Page 22