Myndir mánaðarins Desember 2016 tbl. 27-1 Bíóhluti | Page 20

Allied
Er þetta kannski bara einhver leikur?
Breskur leyniþjónustumaður, Max Vatan, heldur til Marokkó
til að taka hættulegan nasistaforingja af lífi og fær sér til
aðstoðar frönsku andspyrnukonuna Marianne Beauséjour.
Verkefnið heppnast eins og best verður á kosið og í framhaldinu verða þau Max og Marianne ástfangin, giftast og
eignast barn. En þá gerist nokkuð sem umturnar lífi þeirra.
Allied er nýjasta mynd meistaraleikstjó rans og Óskarsverðlaunahafans Roberts Zemeckis en hann á að baki margar af þekktustu,
bestu og vinsælustu myndum síðari ára eins og Back to the Futureseríuna, Forrest Gump, Death Becomes Her, Romancing the Stone,
Contact, What Lies Beneath, Cast Away, A Christmas Carol, Flight og
The Walk. Í þetta sinn segir hann okkur magnaða sögu eftir Steven
Knight (Eastern Promises, Peaky Blinders, Locke) sem gerist í síðari
heimsstyrjöldinni, byrjar sem stríðssaga, þróast út í ástarsögu og
breytist síðan í ekta njósnasögu með tilheyrandi kapphlaupi við
tímann þar sem hver sekúnda telur og ekkert er eins og það sýnist ...

Allied

Þau Max og Marianne hittast upphaflega þegar þau taka
bæði þátt í sama stórhættulega verkefninu í Marokkó.

Spennumynd/Njósnasaga
124
mín

Aðalhlutverk: Brad Pitt, Marion Cotillard, Jared Harris, Lizzy Caplan,
Simon McBurney, Matthew Goode, Camille Cottin og Anton Lesser
Leikstjórn: Robert Zemeckis Bíó: Sambíóin Álfabakka, Kringlunni,
Egilshöll, Akureyri og Keflavík, Ísafjarðarbíó, Selfossbíó og Bíóhöllin
Akranesi

Frumsýnd 1. desember

Punktar ....................................................
HHHHH - New York Observer HHHHH - RogerEbert.com
HHHH1/2 - L.A. Times HHHH - E.W. HHHH - Time
Í upphaflegri sögu Stevens Knight var Max franskættaður Kanadamaður en var breytt í Breta þegar Brad Pitt tók hlutverkið að sér.

l

Hermt er að fatastíll og sviðsetning í fyrsta hluta myndarinnar
sem gerist í Marokkó hafi sótt innblásturinn í hina frægu mynd
Casablanca með Humphrey Bogart og Ingrid Bergman í aðalhlutverkum og að Allied sé í raun að hluta til óður til rómantískra
njósna- og stríðsmynda frá fimmta og sjötta áratug síðustu aldar.
l

Svo fer að ástir takast með þeim Max og Marianne og
þau flytja til Englands, giftast og eignast saman barn.

Veistu svarið?
Þau Brad Pitt, Marion Cotillard og Robert
Zemeckis hafa fengið sinn Óskarinn hvert,
Brad fyrir myndina 12 Years a Slave, Marion
fyrir myndina La Vie en Rose, en fyrir hvaða
mynd fékk Robert verðlaunin?

Þegar yfirmenn Max tekur að gruna að Marianne sé í raun
þýskur njósnari fær hann 72 klst. til að komast að því sanna.
Forrest Gump.

20

Myndir mánaðarins