Myndir mánaðarins Apríl 2018 tbl. 291 DVD-VOD-BR-Tölvuleikir

Jumanji: Welcome to the Jungle Lifðu þig inn í leikinn Þegar þau Spencer, Bethany, Fridge og Martha eru látin sitja eftir í skólanum rekast þau á gamla leikjatölvu í kjallaranum og leik sem þau hafa aldrei heyrt minnst á áður, Jumanji. Þau ákveða að prófa að spila – og sogast bókstaflega inn í leikinn. Grín- og ævintýramyndin Jumanji: Welcome to the Jungle er lauflétt og fyndin skemmtun og kjörin afþreying fyrir þá sem vilja sjá hress- andi farsa. Þetta er sjálfstætt framhald myndarinnar Jumanji frá árinu 1995 sem var aftur byggð á samnefndri bók rithöfundarins Chris Van Allsburg. Í henni var Jumanji borðspil en hefur hér þróast yfir í að vera tölvuleikur með þá stórfurðulegu hliðarverkun að um leið og spilendur byrja að spila hverfa þeir bókstaflega inn í tölv- una og leikinn og breytast í karakterana sem þeir spila með. Eftir að þau Spencer, Bethany, Fridge og Martha átta sig á hvað hefur gerst og komast yfir mesta áfallið og undrunina yfir því að vera komin inn í leikinn uppgötva þau að eina leiðin fyrir þau að snúa aftur til raunveruleikans er að sigrast á andstæðingum sínum í leiknum og forðast að verða drepin af einhverju af villtu dýrunum sem eru úti um allt í hinni risastóru og ævintýralegu opnu Jumanji- veröld – áður en þau klára lífin þrjú sem þau hafa úr að spila! Jumanji: Welcome to the Jungle Gamanmynd / Ævintýri Nick Jonas leikur hinn dularfulla bjargvætt Alex, en í aðalhlutverkunum fjórum eru Dwayne Johnson, Karen Gillan, Jack Black og Kevin Hart. 118 DVD VOD mín Aðalhlutverk: Dwayne Johnson, Jack Black, Kevin Hart, Karen Gillan, Bobby Cannavale, Alex Wolff, Tim Matheson og Nick Jonas Leikstjórn: Jake Kasdan Útgefandi: Sena Punktar .................................................... HHHH 1/2 - Chicago Sun-Times HHHH - Screen Intern. HHH 1/2 - Washington Post HHH 1/2 - RogerEbert.com HHH 1/2 - H.Reporter HHH 1/2 - Time HHH 1/2 - TheWrap 5. apríl Eins og kemur fram hér fyrir ofan er þessi mynd sjálfstætt fram- hald af Jumanji frá árinu 1995 en í henni fór Robin Williams heitinn með stærsta hlutverkið ásamt þeim Kirsten Dunst og Jonathan Hyde. Í henni hafði karakter Robins, Alan Parrish, fest inni í leikn- um og í nýju myndinni má sjá skýrar vísbendingar um veru hans í honum, Robin til heiðurs og til minningar um þann frábæra leikara. l Leikstjóri myndarinnar er Jake Kasdan sem sló í gegn ungur að árum árið 1998 með myndinni Zero Effect og hefur síðan m.a. gert myndirnar Orange County, Bad Teacher og núna síðast Sex Tape. l Sá hluti myndarinnar sem gerist í raunheimum gerist í sama bæ og fyrri myndin, þ.e. í Bratford í New Hampshire. l Fjórmenningarnir lenda í ýmsum vandræðum í Jumanji-leiknum. Veistu svarið? Þetta er í annað sinn á tiltölulega skömmum tíma sem þeir Dwayne Johnson og Kevin Hart leika sam- an en það gerðu þeir einnig í gamanmynd sem var frumsýnd í júní 2016 og var leikstýrt af Rawson Marshall Thurber. Hvaða mynd var það? Central Intelligence. 10 Myndir mánaðarins

Myndir mánaðarins Apríl 2018 tbl. 291 DVD-VOD-BR-Tölvuleikir | Página 10