• ხორცის რბილი ნაჭერი გავატაროთ ხორცსაკეპ მანქანაში ხახვთან ერთად;
დავუმატოთ გარეცხილი, უმი ბრინჯი; წვრილად დაჭრილი მწვანილი: ოხრახუში
და ქინძი; ასევე, ოსტრის სუნელი, მარილი და პილპილი გემოვნებით. ყველაფერი
ხელით კარგად ავზილოთ.
• კომბოსტოს ამოვაჭრათ გული და ჩავდოთ ადუღებულ წყლიან ქვაბში (ამოჭრილი
ძირით ქვაბისაკენ) _ 3-4 წუთი; მოთუშვის შემდეგ კომბოსტოს ქვაბშივე
ჩამოვაცალოთ ფოთლები (ხელით ან უმჯობესია, ჩანგლით); კომბოსტოს
ფოთლები მზადაა, როცა ის იქნება ელასტიური, დრეკადი. მოვაჭრათ ფოთლებს
უხეში ნაწილები; თითოეულ ფოთოლში ჩავდოთ 1 სუფრის კოვზი მომზადებული
ხორცის ფარში და გადავახვიოთ ცილინდრისებურად.
• ქვაბის ძირი მოვფინოთ მოთუშული კომბოსტოს ფოთლებით, ჩავალაგოთ
სათითაოდ კომბოსტოს ფოთოლში გადახვეული ხორცის ბურთულები, თავზე
დავადოთ ოხრახუშის ღერები და 3-4 დაფნის ფოთოლი.
• ქვაბში ჩავამატოთ წყალში გახსნილი 1 ჩ/ჭ ტომატი, ისე, რომ ხორციანი
ბურთულები დაიფაროს წყლით. დავადოთ ზემოდან სქელი თეფში ან შედარებით
მომცრო ზომის ქვაბის სახურავი, ზემოდან დავადოთ სიმძიმე, მაგალითად,
როდინის სანაყი ქვა და დავადგათ ცეცხლზე მოსახარშად (დაახლოებით 30 წთ).
ვადუღოთ მანამ, სანამ ხორცი არ მოიხარშება.