Mi primera publicacion Catálogo de Pensar coas mans | Page 9
Nas mans das e dos artesáns reside moito máis que os segredos dos
oficios. Atopamos nelas os sucos da historia, mais tamén as liñas doutro
futuro posible, dun tempo máis próximo, humano e conectado ao territorio.
A través das técnicas transmitidas e melloradas por xeracións de «face-
dores de obxectos», reivindicamos todo aquilo que nos fai singulares e
afianza a nosa identidade fronte ás correntes homoxeneizadoras.
«Pensar coas mans. Cestería, cerámica e xoiería de Galicia»
achégase á figura das artesás e dos artesáns superando o estereotipo do
vello mestre illado no obradoiro para ofrecer o retrato dun sector dinámico,
unha actividade económica en expansión que dá traballo a máis de cinco
mil persoas, un emprego sustentable, maioritariamente feminino e que
permite asentar a poboación no rural.
Consciente de que apoiar a artesanía é apostar polo futuro,
a Xunta leva anos desenvolvendo unha estratexia que sitúa a marca
Artesanía de Galicia no seu centro, convencida da necesidade de prestixiar,
dar a coñecer e abrir novas vías para comercializar os produtos dentro e
fóra das nosas fronteiras, apoiando a innovación, a alianza con outros sec-
tores produtivos, como o turismo ou a gastronomía, así como a formación
de aprendices que garantan o relevo xeracional.
Son moitos os logros acadados e cumpría deterse a explicar por
que Galicia ten hoxe unha das mellores xeracións de artesáns e artesás da
súa historia, con nomes como Idoia Cuesta, Marta Armada e Susi Gesto,
entre outros moitos. Sabemos ben que o aprecio xorde do coñecemento e,
por iso, precisamos de accións divulgativas, como esta exposición. Con este
obxecto, abrimos a Cidade da Cultura para amosar como as pezas expostas
constrúen o relato das nosas orixes, pero tamén dan conta de que a artesa-
nía galega contemporánea está presente no mundo con máis forza creativa
ca nunca, atraendo a ollada de cociñeiras como Carmen Ruscalleda, de
marcas como Loewe e de feiras como Maison & Objet de París.
Mais se o apoio aos artesáns resulta imprescindible, non abonda.
Coa ollada posta no exemplo de países coma O Xapón, Italia ou O Reino
Unido, debemos fomentar entre a cidadanía o gusto polo artesanía, a capa-
cidade de apreciar a beleza do feito man, do fabricado coa materia que
nos rodea, innovando a partir de técnicas conectadas coa nosa historia. En
definitiva, «Pensar coas mans. Cestería, cerámica e xoiería de Galicia» non
persegue outra meta que recoñecer a aqueles e aquelas que, traballando
con esa mestura de tempo e saber, acadan a capacidade de conferirlles ás
súas pezas a categoría de obxectos únicos.
Alberto Núñez Feijóo
Presidente da Xunta de Galicia