Mi primera publicacion Catálogo de Pensar coas mans | Page 57

55
e ancho do mundo como patrimonio inmaterial da humanidade. Trátase
dun acervo incorpóreo; por iso, o que é obxecto de protección non son os
resultados do traballo artesanal (as alfombras, os centros florais ou as car-
pinterías); o que se protexe é o coñecemento e a habilidade que permite
realizar eses obxectos, e ínstase aos gobernos a que poñan os medios
adecuados para que non se perdan. Entre as técnicas recoñecidas sinálase
cando algunha é realizada por algunha etnia ou algún grupo social. Os
bordados son invariablemente realizados por mulleres, de Croacia a
América Latina. A lámpada do poder executada con bordados quere lem-
brarnos que é responsabilidade de todas as actividades humanas alcanzar
unha igualdade real de oportunidades para os que son distintos aos que
impoñen as regras.

Deixamos aquí o visitante, esperando que poida continuar o
paseo pola sala e descubrir in situ as outras catro lámpadas que o acom-
pañarán na viaxe da beleza á cultura, da vida á ecoloxía, da memoria á
identidade, da obediencia á innovación.
1 Refírome a asuntos de feito, no sentido que lles da Latour, B. (2003), «Why Has Critique Run out
of Steam? From Matters of Fact to Matters of Concern», en Critical Inquiry - Special issue on the
Future of Critique. Vol. 30, núm. 2, pp. 25-248, Winter 2004. [Harper’s Magazine, abril 2004, pp.
15-20. Republication reprinted in Bill Brown (editor) Things, Chicago: The University of Chicago
Press, pp. 151-174].
2 Simposio unesco/cci, «A Artesanía e o mercado internacional: comercio e codificación adua-
neira», (Manila, 1997).
3 rowe, c., slutzky, r. e hoesli, b. (1997). Transparency. Basel: Birkhäuser Verlag.
4 schor, n. (2013). Reading in Detail: Aesthetics and the Feminine. London: Routledge.